Taǵaıyndaý • 18 Mamyr, 2022

Imanǵalı Tasmaǵambetov jańa qyzmetke taǵaıyndaldy

119 ret kórsetildi

Imanǵalı Tasmaǵambetov Qazaqstan golf federasııasynyń basshysy bolyp taǵaıyndaldy, dep habarlaıdy Egemen.kz uıym baspasóz qyzmetine silteme jasap.

Qazaqstan golf federasııasynyń bas hatshysy Erbol Buharbaev Federasııa Prezıdıýmynyń otyrysy sheshimimen Imanǵalı Tasmaǵambetov Qazaqstan golf federasııasynyń prezıdenti bolyp taǵaıyndalǵanyn habarlady.

Federasııanyń qurmetti prezıdenti retinde Nurtaı Ábiqaev taǵaıyndaldy.

Tasmaǵambetov 1993 jyldan 1995 jylǵa deıin Qazaqstan Prezıdentiniń kómekshisi, 1995-ten 1997 jylǵa deıin premer-mınıstrdiń orynbasary qyzmetin atqarǵan. Sondaı-aq túrli ýaqytta Prezıdent Ákimshiligi basshysynyń orynbasary jáne Prezıdenttiń birinshi kómekshisi qyzmetterin atqarǵan. 2002 jyly premer-mınıstr, 2003 jyly memlekettik hatshy bolyp taǵaıyndalǵan. Keıin Almaty qalasynyń (2004-2008), elorda ákimi (2008-2014) bolǵan.

2014 jylǵy 22 qazanda Tasmaǵambetov Qazaqstan qorǵanys mınıstri bolyp taǵaıyndalǵan. 2016 jylǵy 13 qyrkúıekte premer-mınıstrdiń orynbasary bolǵan edi. 2017 jylǵy 3 aqpannan bastap Reseıdegi tótenshe jáne ókiletti elshi bolyp jumys istegen.

2019 jylǵy jeltoqsanda Imanǵalı Tasmaǵambetov zeınet jasyna tolýyna baılanysty Qazaqstannyń Reseıdegi elshisi qyzmetinen bosatylǵan edi.

Sońǵy jańalyqtar

Dollar arzandady

Qarjy • Keshe

Uqsas jańalyqtar