Pavlodardyń ekstremızmge qarsy is-qımyl tobynyń qyzmetkerleri ınternette monıtorıng júrgizý barysynda qoldanýshynyń paraqshasynan dinı mazmundaǵy materıaldary bar 39 aýdıojazbany anyqtady.
«Tekserý is-sharalary barysynda 35 jastaǵy pavlodarlyq tyıym salynǵan kontentti ashyq jarııalaǵan. Bul fakti boıynsha dintaný saraptamasy júrgizildi. Onyń qorytyndysy boıynsha Pavlodar qalasynyń mamandandyrylǵan ákimshilik soty pavlodarlyq áıelge QR ÁQBtK-niń 453-baby 2-bóligi (Buqaralyq aqparat quraldarynyń ónimin, sol sııaqty ózge de ónimdi Qazaqstan Respýblıkasynyń aýmaǵynda daıyndaý, saqtaý, ákelý, tasymaldaý, taratý) boıynsha 20 AEK kóleminde ákimshilik aıyppul salyp, ákimshilik jaýapkershilikke tartty», dep habarlady Pavlodar oblysy Polısııa departamentiniń baspasóz qyzmeti.
