– Memleket basshysy Qasym-Jomart Toqaev Konstıtýsııaǵa eldiń saıası júıesin túbegeıli ózgertetin tolyqtyrýlar engizý týraly bastama kóterdi. Osylaısha, Ata Zańnyń 33 babyna túzetýler ázirlendi, bul – onyń úshten bir bóligine ózgerister men túzetýler engiziledi degen sóz. Endi Konstıtýsııaǵa ózgerister men túzetýler engizile me, joq pa, ony halyq, ıaǵnı onyń ishinde sizder sheshesizder. Memleket basshysynyń nıeti – «Jańa Qazaqstandy» birge qurý. Konstıtýsııany jańartý mindeti de qoǵamdaǵy senimdi arttyrady. Jańartylǵan Konstıtýsııa úsh naqty maqsatqa baǵyttalyp otyr. Olar – zańnyń ústemdigi, demokratııalyq úderisterdi nyǵaıtý jáne bıliktiń bólinisi men tepe-teńdik tetigin kúsheıtý. Aıta keterligi, Ekinshi Respýblıkanyń eń mańyzdy qundylyqtary zańmen, tártippen, ádildikpen baılanysty. Konstıtýsııa qoǵamdyq qatynastarǵa naqty áser etý rólin atqarýy kerek. Kez kelgen qoǵamda ádiletsizdik ekonomıkalyq teńsizdikten de aýyr qabyldanady. Jalpy elimizdiń órkendeýi úshin zaman talabyna saı jańa ózgerister qajet ekeni anyq, – dedi Baqytjan Jarmahanuly.
Jıynǵa qatysqan analar aqparattyq-túsindirý jumystaryn júrgizgen qoǵamdyq shtab múshesine alǵys bildirdi. Zańdyq keńestiń, tolyqqandy túsindirý jumystarynyń qajettigi de aıtyldy. Elimizde oń ózgeristerdiń bolǵanyn qalaıtynyn bildirgen analar referendýmǵa qatysyp óz tańdaýlaryn jasaıtynyn jetkizdi. «О́zgeris ózimizge kerek. Konstıtýsııamyzǵa engiziletin ózgeristerdi bekitý úshin ótetin referendýmnyń máni men mańyzy osynda. Eldegi reformalarǵa quqyqtyq negiz bolatyn ózgerister halyq talqysyna salynyp otyr. Endeshe, ony qoldap, daýys berý – bizge júktelgen jaýapkershilik. Qazirden eldegi bolyp jatqan ózgeristerdi durys saralap, oı túıip, nemquraılylyq tanytpaýymyz qajet», deıdi kópbaly ana Janar Sadyqova.
Sondaı-aq kezdesýde kópbalaly analar gaz, jol jáne páter satyp alý boıynsha ózekti máselelerdiń sheshilý joldary boıynsha oı-pikirlerin, tıisti sala mamandarymen baılanysýǵa qatysty usynystaryn da aıtty.
Túrkistan oblysy
