Aımaqtar • 19 Mamyr, 2022

Qyzylordada 134 mln teńge bıýdjet qarjysy urlanǵan

38 ret kórsetildi

Qyzylorda oblysynda prokýratýra tarapynan 2021-2022 jyldary 134 mln teńgege bıýdjet qarajatyn jymqyrýdyń 5 deregi boıynsha sotqa deıingi tergep-tekserý bastaldy, dep habarlaıdy Egemen.kz.

Qyzylorda oblysynda prokýratýra tarapynan júrgizilgen is-sharalar nátıjesinde 2021 jáne 2022 jyldary memlekettik satyp alýdyń barlyq satysynda zań buzýshylyqtarǵa jol berilgeni anyqtaldy. Mundaı keleńsizdikter qatarynda qurylys nysanynyń jobalaý-smetalyq qujattamalaryn ázirleýden bastap, memlekettik satyp alýdy ótkizý, qurylys jumystaryn júrgizý jáne nysandy qabyldaý prosessterinde tirkelgen jaǵdaılar bar.

«Qurylys barysynda jobalaý-smetalyq qujattamadan jekelegen jumystardy alyp tastap, ornyna negizsiz qymbat materıaldardy qosý derekteri kezdesti. Prokýratýra tarapynan 2021-2022 jyldary 134 mln teńgege bıýdjet qarajatyn jymqyrýdyń 5 deregi boıynsha sotqa deıingi tergep-tekserý bastaldy», dep túsindirdi Qyzylorda oblysy prokýratýrasynyń basqarma basshysy Aıdos Ábdibaev.

Vedomstvo usynǵan málimetke sáıkes, 2021 jyly Qazaly aýdany ákimdigi ǵımaratynyń qurylys jumystarynda merdiger mekeme tarapynan 6 mln teńgeniń jumysy atqarylmaı qalǵan. Bul boıynsha aýdannyń qurylys bóliminiń basshysy QR Qylmystyq kodeksiniń 361-babynyń 4-bóligimen jaýaptylyqqa tartylǵan.

«Osyndaı taǵy bir derek Qyzylorda qalasyndaǵy Syrdarııa ózeniniń sol jaǵalaý bóligindegi «Shirkeıli» arnasy arqyly kópirdi salý kezinde tirkelgen. Onda 30 mln teńgeniń jumystary jasalmaǵany anyqtaldy. Bul boıynsha bıyl 13 mamyrda oblys prokýratýra tarapynan QR Qylmystyq kodeksiniń 189-babynyń 4-bóligimen sotqa deıingi tergep-tekserý tirkeldi», dedi Aıdos Ábdibaev.

Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar