Qazaqstan • 19 Mamyr, 2022

Ystanbulda ortaq oqýlyqtar tanystyryldy

44 ret kórsetildi

Ystanbul qalasynda Halyqaralyq Túrki akademııasy, Túrki memleketter uıymy jáne Túrkııa Ulttyq Bilim mınıstrliginiń qoldaýymen túrki elderiniń ortaq oqýlyqtar jónindegi konferensııasy ótti, dep habarlaıdy Egemen.kz.

Alqaly jıynnyń ashylýyna Túrki memleketter uıymynyń Bas hatshysy Baǵdat Ámireev, Halyqaralyq Túrki akademııasynyń prezıdenti Darhan Qydyráli, Túrkııa Ulttyq bilim mınıstriniń orynbasary Petek Ashkar,  sondaı-aq  múshe memlekettterdiń ókilderi, bilim jáne ǵylym salasynyń úzdik mamandary men sarapshylary qatysty.

16-18 mamyr aralyǵynda ótken basqosýda Halyqaralyq túrki Akademııasy ázirlegen ortaq geografııa, ortaq ádebıet, ortaq tarıh oqýlyqtary tanystyryldy. Túrki elderiniń orta mektepterinde  oqytylatyn  kitaptardyń sońǵy nusqalary sarapshylardyń talqysynan ótip, biregeı nusqasy qabyldandy.

d

Konferensııanyń ashylý saltanatynda Túrkııa Bilim mınıstriniń orynbasary Petek Ashkar «Ortaq túrki tarıhy» dárisi 2018-2019 oqý jylynan bastap Bastaýysh bilim berý mekemeleriniń aptalyq kestesine engizilgenin atap ótti. Soǵan sáıkes, 8-synyp oqýshylary ony tańdaý pán retinde oqı alady.

Mınıstr orynbasary keltirgen derekterge súıensek, 2018-2019 oqý jylynda shamamen 30 myń, 2019-2020 oqý jylynda shamamen 38 myńǵa jýyq oqýshy «Ortaq túrki tarıhyn» tańdaǵan. 2020-2021 oqý jylynda shamamen 48 myń, 2021-2022 oqý jylynda shamamen 49 myń bala atalǵan pándi oqýǵa sheshim qabyldaǵan.

Petek Ashkardyń aıtýynsha, kelesi oqý jylynan bastap pándi orta mektep deńgeıinde oqytýǵa sheshim qabyldanǵan. Sonymen qatar orta bilim berý uıymdarynda qoldanylatyn aptalyq sabaq kestelerine «Ortaq túrik tarıhy» pánge qosymsha «Túrik álemi geografııasy» jáne «Ortaq túrik ádebıeti» pánderi qosylǵan. Ony 9-shy synyp oqýshylary elektıvti pán  retinde oqymaq. Budan bólek, 2022-2023 oqý jyldan bastap 10 jáne 11 synyptar kestesine qosylady.

Mınıstrdiń orynbasary Petek Ashkar Chalystaı konferensııa nátıjesinde qabyldanatyn sheshimder túrki álemi jastardyń bilimdi, tabysty, ilimimen bólisetin, ortaqshyl, ózin-ózi tanyǵan, mádenı qundylyqtardy qurmetteıtin adam bolyp ósýine zor úles qosatynyn atap ótti.

Spıker sóz sońynda Halyqaralyq túrki Akademııasy ázirlegen ortaq geografııa, ortaq ádebıet, ortaq tarıh oqýlyqtary 2022-2023 jyldan bastap múshe memleketterde oqytyla bastaıtynyna senim bildirdi.

d

Halyqaralyq túrki Akademııasynyń prezıdenti Darhan Qydyráli osyndaı oqýlyqtar arqyly ortaq tarıhymyzdy, ádebıetimizdi, geografııamyzdy úıretýmen shektelmeıtinimizdi jetkizdi.

«Uly kóshbasshy Mustafa Kemal Atatúrik «til – kópir, tarıh – kópir» dep aıtqandaı, biz túrik áleminde kópir salyp jatyrmyz. Meniń oıymsha, bul kópirdiń irgesi berik bolýy kerek. Ortaq oqýlyqtar jobasy 2012 jyly Memleket basshylarymyzdyń tapsyrmasymen bastaldy. Ortaq túrki tarıhy retinde bastalǵan joba ortaq túrki ádebıeti jáne túrki álemi geografııasy oqýlyqtaryna jalǵasty.

Ortaq mádenıetimizdi, geografııamyzdy, ortaq keńistikti, tarıhymyzdy jáne ortaq ótkenimizdi túsiný turǵysynan ádebıettiń erekshe mańyzy bar. Bul oqýlyqtar eshbir eldiń tarıhy, geografııasy, ádebıeti emes. Ár eldiń óz oqýlyqtary bar. Mundaǵy maqsat – ortaq túsinik qalyptastyrý», dedi D.Qydyráli.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar