Bıznes • 19 Mamyr, 2022

Bıyl prokýrorlar 100 myńǵa jýyq kásipkerdiń quqyǵyn qorǵaǵan

24 ret kórsetildi

Bıznes pen memleket múddesi arasyndaǵy tepe-teńdikti qatań saqtaý qajet. Bul týraly Prezıdent Qasym-Jomart Toqaev otandyq bıznes ókilderimen kezdesýinde aıtty, dep habarlaıdy Egemen.kz.

«Bıznes pen memleket múddesi arasyndaǵy tepe-teńdik qatań saqtalýy tıis. Ol úshin kelesi qadamdardy jasaý kerek. Birinshi, baqylaýshy organdar qyzmetiniń repressıvtik sıpatyn tómendetý jónindegi júıeli sharalar talap etiledi. Negizsiz qýdalaý, quqyq qorǵaý organdarynyń qysymy áli de bar degen kóptegen dabyl qaǵylyp jatyr», dedi Prezıdent.

Onyń aıtýynsha, keıingi bes aıda prokýrorlar 100 myńǵa jýyq kásipkerdiń quqyǵyn qorǵaǵan. Bul - tutas 2021 jylǵy kórsetkishpen shamalas. Atalǵan faktiler tergeý organdarynyń bıznesti qylmystyq qýdalaýǵa ıtermeleıtinin bildiredi.

«Bas prokýratýra kásipkerlik sýbektilerine qatysty baqylaý-qadaǵalaý jáne ásirese tergeý áreketterin zańsyz júrgizý faktilerine jol bermeýdi qatań baqylaýy qajet. Kásipkerlerdi kúdikti retinde taný tájirıbesi de keń taralǵan, al is júzinde bul - jaı ǵana múliktik daýlar. Qazirgi ýaqytta kez kelgen tirkelgen ótinish avtomatty túrde qylmystyq is qozǵaýdy bildiredi. Bul kásipkerdiń qyzmetin toqtatady, ınvestısııalardy tejeıdi, iskerlik bedelge nuqsan keltiredi. Sonymen qatar sotqa deıingi tergeý uzaqqa sozylýy múmkin. Bul - kezdeısoqtyq emes, quqyq qorǵaý organdarynyń teris pıǵyldy qyzmetkerleriniń múddeleri úshin jumys isteıtin júıe. Mundaı mysaldar az emes», deıdi Qasym-Jomart Toqaev.

Prezıdent quqyq qorǵaý organdary eń aldymen, alaıaqtyq faktilerin ashýǵa, qarajatty jylystatý, zańsyz qolma-qol aqshaǵa aınaldyrý, qarjy pıramıdalaryn qurý máselelerine basa mán berýi kerektigin aıtty. Sondaı-aq kóleńkeli ekonomıkamen batyl kúresý qajettigin eskertti.

«Biz azamattyq tekserýshilerdiń qyzmetin qatań rettedik. Táýekelderdi basqarý júıesi, tekserý paraqtary, profılaktıkalyq baqylaý engizildi. Nelikten bul quqyq qorǵaý organdaryna qatysty jasalmaıdy?», dedi Memleket basshysy.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar