Aımaqtar • 20 Mamyr, 2022

О́render shyqty saıysqa

27 ret kórsetildi

Petropavlda respýblıkalyq Abaı-Maǵjan oqýlarynyń oblys­tyq kezeńi aıaqtaldy. Oǵan oblys mektepterinen 3-11 synyp oqý­shy­lary arasyndaǵy 150-den astam shákirt qatysty. 11 nomı­nasııa boıynsha saıysqan balalardyń júzi bal-bul ja­nyp, júldeli oryndar alýǵa degen yntalary zor boldy. Bul nomı­na­sııalardan basqa «Abaı jaqqan bir shyraq» atty bastaýysh synyp oqýshylaryna arnalǵan bir nomınasııa da boldy. Onda 1-4 synyp­tyń baldyrǵandary Abaı óleńderin jatqa aıtýdan jarysty.

Bıylǵy Barys jylyn Mem­leket basshysy Qasym-Jomart Toqaev «Balalar jyly» dep ata­ǵany málim. Atalǵan is-shara osy jyl­da jas órenderdiń sana­sy­na qazaq danalyǵy men óne­ri­niń kórkemdigin sińirý, aqyl-oıyn darytý maqsatynda uıym­dastyrylǵan eken. Sondyqtan is-shara oblystyń barlyq túkpi­rin­degi mektepti qamtyp, sahna­ǵa barlyq aýyl-qala mektebi­niń ónerpaz ulandaryn shyǵaryp otyr. Mádenı is-sharaǵa quttyq­taý sózin aıtqan oblystyq bilim basqarmasynyń basshysy Názir Jáshibekov búgingi órenderdiń ult­tyq ádebıet pen ónerge ja­qyndaı túsýine Abaı men Maǵ­jannyń aqyl-oıy kemel, kór­kem­digi kelisken, tanymy tereń poe­zııasy men qarasózderiniń orny bólek ekenin atap aıtty.

Osydan ári kórkem kúı oınap turǵan sahnaǵa saıysqa qatysý­shylardy ónerlerimen qut­­tyqtaǵan birneshe ánshi-kúıshi shyqty. Sonyń ishinde Abaı atyn­daǵy ma­­man­dandyrylǵan mektep-gım­nazııa­synyń muǵalimi Maıra Ýdashke­qyzy men onyń shákirti Zarına Shoraeva Maǵjannyń «Súıemin» óleńine jazylǵan ándi oryndady. Al 1-2 synyptardyń tórt baldyrǵany Abaıdyń jyl mez­gilderine arnaǵan tórt óleńin oqydy.

Saıysqa shyǵarylǵan nomı­na­sııa ataýlary da erekshe. Olar eki aqyn poezııasynyń bi­raz qyryn qamtyǵan. Ataýla­ryn aıtar bolsaq, «О́leń sózdiń pat­shasy, sóz sarasy», «Kóńi­lim ándi uǵady», «Júırikten júırik ozar jarysqanda», «Abaı qara­sózderiniń danalyǵy», «Ulylar álemi», «Jasynan oqý oqyp, óner qýǵan», «О́lmeıtuǵyn arty­na sóz qaldyrǵan» jáne t.b. M.Qozybaev atyndaǵy SQÝ Qazaq tili men ádebıeti kafedrasy­nyń meńgerýshisi, professor Janbaı Qadyrov bastaǵan qazylar al­qa­syna jeńimpazdardy anyqtaý ońaı bolǵan joq. Jekelegen nomınasııalar boıynsha «Daryn­dy balalarǵa arnalǵan «Bilim-ınno­vasııa» lıseı-ınternaty­nyń 10-synyp oqýshysy Nurlan Ádi­let, Esil aýdanyndaǵy Bulaq mektebinen Áıgerim Tólebaı, Á.Dos­muhambetov atyndaǵy gım­na­zııa-ınternatynan Altynaı Ere­jepova, №25 orta mektepten Dıana Jolaman, M.Aıthojın atyn­­daǵy №1 orta mektepten Ange­lına Arakelova, Abaı atyn­daǵy mektep-gımnazııadan Bekzat Baǵ­dat, Bekseıit orta mektebinen Áspet Tursynbaevalar jeńimpaz dep tanyldy.

Al atalarynyń óleńderin jat­­qa oqý boıynsha 1-4 synyp bal­dyrǵandary arasynan Jas­mına Ahmetova, Elnur Ońda­syn, Erdáýlet Káribaı, Arýjan Qa­jymurat úzdik shyqty. Oblystyq kezeńde úzdik shyqqandar endi respýblıkalyq kezeńge daıyndalatyn bolady.

 

Petropavl

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar