Qazaqstan • 20 Mamyr, 2022

Bizge atom elektr stansasy kerek - Energetıka mınıstri

40 ret kórsetildi

QR Energetıka mınıstri Bolat Aqsholaqov atom elektr stansasyn salýǵa qatysty pikirin bildirdi, dep habarlaıdy Egemen.kz.

«Bizge atom elektr stansasy kerek. Burynǵy kólemde kómir qoldana berýimizge bolmaıdy. Qazir kómir stansalaryna eshkim qarjy salmaıdy. О́kinishke qaraı, gaz tutynýdyń múmkindikterin ózderińiz de kórip otyrsyzdar. Barǵan saıyn azaıyp keledi. Eger jańa kózderdi ashyp, ıgerý úshin aqsha salmasaq, gaz tapshylyǵy týyndaıdy», dedi Bolat Aqsholaqov.

Mınıstrdiń aıtýynsha, AES qurylysynan týyndaýy múmkin táýekelderdi baqylaýda ustaýǵa bolady.

«Atom stansasy barlyq máseleniń daýasy bola almaıdy, árıne. Biraq, ol – turaqty, synaqtan ótken kóz bolar edi. Iá, oǵan qarsy adamdar bar. Qoǵamda túrli úreı bar. Qazaqstanda bul máselege keńes zamanyndaǵy ıadrolyq polıgonmen salystyrmaly túrde qaraıdy. Men ony túsinem, negizsiz de emes shyǵar. Biraq, azamattyq energetıka turǵysynan aıtarlyqtaı qateri joq. Kez kelgen istiń óz táýekeli bolady. Tipti, sý ishseńiz de, munyń da táýekeli bar. Esepti durys júrgizip, táýekelderdi basqara alý kerek. Biz qazir sol esepti júrgizip jatyrmyz. Qaıtalap aıtaıyn, atom stansasy – bolashaqtaǵy elektr tapshylyǵyn sheshýdiń óte jaqsy joly bola alady», dedi mınıstr.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar