Qoǵam • 21 Mamyr, 2022

Reformalar halyqtyń qoǵamdyq-saıası ómirge belsendi aralasýyna zor múmkindik beredi

30 ret kórsetildi

Konstıtýsııalyq reformalar halyqtyń qoǵamdyq-saıası ómirge belsendi aralasýyna zor múmkindik beredi, dep habarlaıdy Egemen.kz. Bul pikirdiń QR Parlamenti Májilisiniń depýtaty Gúldara Nurymova aıtty.

«5 maýsym barshamyz úshin mańyzdy kún bolmaq. Memleket basshysynyń bastamasymen qazir elimizde aýqymdy ózgerister bolyp jatyr. О́zgeristerdiń barlyǵy «Halyq únine qulaq asatyn memleket» tujyrymdamasymen tyǵyz baılanysty. О́ıtkeni reformalar halyqtyń talap-tilegine arnalǵan. El senimine ıe bolmaı, «Jańa Qazaqstan» qurý múmkin emes. Prezıdent usynǵan reformalar strategııalyq mańyzǵa ıe. Ekinshi respýblıkany qurý jolynda biz adaldyq pen ádiletti bolý qaǵıdalaryn qatań ustanýymyz kerek», dedi G. Nurymova.

Osy oraıda ol aldaǵy basty qadamdarǵa toqtaldy.

«Birinshiden, ár adamǵa teń múmkindik beriledi. Iаǵnı, jasandy monopolııaǵa jol berilmeı, halyq arasynda shynaıy básekelestik artatyn bolady. Sonymen qatar, ákimder saılaýyn engizý máselesi de halyqtyń kóńilinen shyǵyp otyr. Bul ákimder saılaýy byltyrdan beri elimizde tájirıbege engizildi», dedi depýtat.

«Taǵy bir mańyzdy ózgeris aıasynda Memleket basshysy jaqyndaryn basshylyq qyzmetterge taǵaıyndaýǵa shekteý qoıýdy usyndy. Bul degenimiz, óz ókilettikterin qysqartyp, memleketimiz sýperprezıdenttik basqarýdan myqty Parlamenti bar prezıdenttik júıege kóshedi degen sóz. Osy rette Parlamenttiń róli kúsheıip, depýtattardy saılaý júıesine de ózgerister engizilmek. Mysaly, Májilis nemese máslıhat depýtaty saılaýyna qatysý úshin partııa múshesi bolý mindetti bolatyn. Endigi kezekte, mindetti túrde partııaǵa múshe bolmaı, depýtattyqqa saılaýǵa úmitker retinde qatysa alady. Jalpy konstıtýsııalyq reformalar halyqtyń qoǵamdyq-saıası ómirge belsendi aralasýyna zor múmkindik beredi», deıdi Gúldara Nurymova.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar