Referendým-2022 • 23 Mamyr, 2022

О́ńiraralyq kóshpeli kezdesý ótti

101 ret kórsetildi

Túrkistanda referendýmdy qoǵamdyq qoldaý jónindegi respýblıkalyq shtabtyń uıymdastyrýymen óńiraralyq kóshpeli kezdesý ótti.

Kezdesýge Almaty, Jambyl, Qyzylorda, Túrkistan oblys­tary jáne Shymkent qala­sy más­lıhatynyń hatshylary, tu­raqty komıssııalar tóra­ǵa­lary jáne depýtattar, sondaı-aq oblys, qala, aýdan qoǵamdyq keńesteri men ardagerler uıymdarynyń tóraǵalary, kásipkerler, jas­tar men sharýalar, belsendi qoǵam ókilderi, qoǵamdyq shtab músheleri qatysty.

Referendým ótkizý jóninde el azamattarynyń aldyna qo­ıy­lǵan mindetti júzege asyrý maq­satynda «Qazaqstan máslı­hattary depýtattarynyń birles­tigi» respýblıkalyq qoǵamdyq bir­lestiginiń bastamasymen óńir­lerde qoǵamdyq shtabtar qu­ryl­ǵan bolatyn. Búginde olar el kóleminde aqparattyq-nası­hat­tyq jumystardy keńinen jáne belsendi túrde júrgizýde.

Túrkistanda ótken kezdesýde sol belsendi jumystar jóninde de keńinen áńgimelendi. Ata Zańǵa engiziletin ózgerister men tolyqtyrýlardy qabyldaý boıynsha ótetin búkilhalyqtyq referendýmnyń saıası mańyzyn nasıhattaý maqsatyndaǵy kez­desýdi respýblıkalyq shtabtyń jáne «Qazaqstan máslıhattary depýtattarynyń birlestigi» respýblıkalyq qoǵamdyq bir­lestiginiń tóraǵasy Tóleý­bek Muqashev júrgizip otyrdy. «Referendým – halyq bıli­gi­niń aıqyn úlgisi, árbir qazaq­stan­dyqtyń óz azamattyq usta­nymyn bildirý arqyly Jańa Qazaqstandy qurýǵa tikeleı úles qosýynyń jarqyn kórinisi. Memleket basshysynyń Jańa Qazaqstandy, Ekinshi respýblıka qurý ıdeıasynyń referendým ótkizýden bastaý alýy –  tarıhı oqıǵa. О́ıtkeni bul 27 jyldan keıin ótkizilip otyrǵan ekinshi referendým. Buǵan deıingi Kons­tıtýsııaǵa ózgerister Par­lamentte talqylanyp, engizilip kelgen. О́tkizilgeli otyrǵan re­ferendýmnyń tarıhı mán-ma­ńyzy ol tutastaı ulttyń taǵ­dy­ryna qatysty máselelerdi ha­lyqtyń talqysyna shyǵarý, onyń memlekettik bılikke tike­leı qatysýyn qamtamasyz ete otyryp, demokratııa negiz­derin ornyqtyrý», dedi Tóleý­bek Muqashev. Al respýb­lı­kalyq «Ardagerler uıymy» qoǵam­dyq birlestiginiń tóraǵa­sy Baqtyqoja Izmuhambetov referendýmnyń el bolashaǵy, urpaq keleshegi úshin qajetti­ligi­ne toqtaldy. Sondaı-aq kezdesýde sóz alǵan Respýblıkalyq kásipodaq federasııasynyń orynbasary Nurlan О́teshov, Qazyǵurt aýdandyq máslı­hatynyń hatshysy О́ris­baı Kópeev, Shymkent qalasy máslıhatynyń hatshysy Baha­dyr Narymbetov, Almaty obly­sy máslıhatynyń depýtaty Ásel Tólepbergenova, Jambyl ob­ly­sy máslıhatynyń depýtaty Sultan О́serbaev, Túrkistan ob­lysy máslıhatynyń depýtaty Qalyıma Jantóreeva, Túrki­stan oblystyq ardagerler keńe­siniń tóraǵasy Jeńisbek  Máý­len­qulov óńirlerde referendýmdy ótkizý boıynsha atqarylyp jatqan jumystar jóninde baıandady.

Respýblıkalyq shtab uıym­dastyrǵan kelesi kezdesýge oblys kásipkerleri, kásipodaq uıymdary ókilderi qatysty. Kezdesýde Túrkistan oblysy kásipkerler palatasynyń dırektory Tımýr Naqypbekov, «Túrkistan Bolashaq» balabaqsha dırektory, oblystyq máslıhat depýtaty Sholpan  Begalıeva el tarıhynda ótkiziletin ekin­shi referendýmǵa bir úı­diń balasyndaı qatysýǵa shaqyr­dy. Al Túrkistan oblysy máslı­haty­nyń hatshysy Qaırat Bala­bıev referendýmnan bólek, kásipkerlerge Prezıdent tarapynan kórsetiletin qoldaýlar jóninde aıta kele, shaǵyn jáne orta kásipkerlik nysandarynyń ózekti máselelerin ortaǵa saldy.

455

Bul kúni respýblıkalyq shtab ókilderi Saýran aýdanyn­da sharýalarmen kezdesti. Odan keıin jastarmen bolǵan kezdesý­de de maýsymda ótetin mańyzdy saıası oqıǵa boıynsha máni tereń de mazmundy áńgime aıtyldy. Jastar elimizde keıingi kezderi bolyp jatqan oń ózgerister týraly óz pikirlerin jetkizdi. Son­daı-aq kezdesýlerde qatysý­shylar referendým boıynsha suraq­taryna jan-jaqty jaýap aldy.

 

Túrkistan oblysy

Sońǵy jańalyqtar

Dollar arzandady

Qarjy • Keshe

Uqsas jańalyqtar