Pikir • 23 Mamyr, 2022

О́ner adamdaryn alqalaý kerek

714 ret kórsetildi

Memleket basshysy Qasym-Jomart Toqaevtyń «Qazaqstan­nyń halyq ártisi» ataǵyn qaıtarýy – kópten kút­ken uıǵarym boldy. Men bul máse­leni biraz ýaqyttan beri qozǵap júr­dim. Jalpy, óner adamy alqalap, qoshe­met-qurmet kórsetkendi unatatyn qaýym. Olar sol qolpashtaý arqyly eńbe­giniń baǵalanǵanyn sezinedi, shyǵar­ma­shylyq tynysy keńeıedi.

Buryn óner ataqtaryna orynsyz tejeýler boldy. «Qaıratker» degendi shyǵardy. Ony, shynyn aıtqanda, jurt­tyń bárine beretin boldy. Bizdiń ult­tyń mentalıte­ti­ne saı ónerge beri­letin ataqtarǵa úırengenbiz. Ol solaı bolý kerek dep oılaımyn. Aına­lamyzdaǵy TMD elderiniń bárinde de «Halyq ártisi» ataǵy bar. Al bizde jónsiz alynyp tastaldy. Sosyn bári beı­bereket «qaıratker» atandy. Aqı­qatynda, elge eńbek etip júrgen biz bárimiz qaıratkermiz. Biraq naq­ty qaı salanyń qaıratkerimiz?.. Sondyqtan ásirese, óner jasap júr­gen shyǵarmashyl jandarǵa «Qa­zaqstannyń halyq ártisi» ata­ǵy­nyń qaıtarylýy óte oryndy. Al «qaıratkerlikti» ońtaılap, óziniń deńgeıimen laıyqty óz adamdary­na berý kerek. Iаǵnı prodıýserlerge, uıymdastyrýshylarǵa, taǵy basqa da óner adamdarynyń aınalasynda júrgen jandarǵa úlken eńbegi úshin «qaıratker» ataǵyn ­berýge bolady.

Osy oraıda «Halyq ártisi» ata­ǵy­men qosa «Eńbek sińirgen ártisi» de­gendi de qosý kerek degen usy­nysym bar. Bul sanatqa jaq­sy jumys­tarymen elge tanymal bolyp qalǵan ánshi, mýzykant, akter­lerdi kirgizse bolady. Iаǵnı bul ataq jastarǵa shyǵarmashylyq qoldaý retinde júzege aspaq. Bul onyń odan keıin de juldyzdaı jar­qyraı túsýine, tynbaı eńbek etýine serpin bolady. Al «Halyq ártisi» ata­ǵynyń jóni de, joly da bólek. Árıne, oǵan qazaq óneriniń damýyna orasan zor úles qosqan, tulǵa­lyq qasıetke jetken óner adamdary laıyq.

Qasym-Jomart Toqaev bul she­shi­mi durys sheshim boldy. О́ner adam­­daryn zalda otyryp dý qol shapa­laq­taǵandaı alqa­lap, ar­qa­synan qaǵý kerek. Mun­daı marapattar, eń al­dy­men óner adam­darynyń eńbe­gin eleý­di bil­diredi. Sondaı-aq ol shyǵar­ma­shy­lyqtyń keń qanat jaıýy­na, bıiktep ushýyna talpyndyrady.

 

Tuńǵyshbaı JAMANQULOV,

Qazaqstannyń halyq ártisi

Sońǵy jańalyqtar

Dollar arzandady

Qarjy • Keshe

Uqsas jańalyqtar