Avtonesıe: 4 myńnan astam ótinim maquldandy

О́nerkásipti damytý qory bas­qarma tóraǵasynyń orynbasary Janar Ibrasheva atap ótkendeı, baǵ­darlama iske qosylǵan ýaqyttan beri (16 mamyr) el turǵyndarynan 14 507 ótinim túsken. Onyń 4 834-i maquldandy. Bul degenimiz – 35,7 mlrd teńge. 2 857 ótinimdi «Bank SentrKredıt» ma­qul­da­sa, qalǵan 2 013 ótinimge «Eýra­zııa­lyq bank» oń jaýap bergen.

Ázirshe respýblıkada 34 avtokólik beril­di. Onyń 11-i Nur-Sultanda, 6-y Shym­kentte, 4-i Almatyda resimdelgen. Pavlodar jáne Jambyl oblystarynda 4 kólikten berilse, Aqtóbe oblysynda 3 kólik óz ıesin tapqan. Almaty jáne Batys Qazaqstan oblystarynda bir-bir kólikten resimdelgen.

О́kinishke qaraı, baǵdarlama bas­tal­ǵan sátte turǵyndar arasynda túsi­nis­­peýshilikter oryn aldy. Sondyqtan baǵ­darlama operatory jobaǵa birshama ózgeris engizdi.

– Halyqtyń talabyna sáıkes, ekinshi deńgeıli bankterge tólem shotyn usynatyn kezde avtomobıldiń VIN-kodyn qosa berý týraly talap joıyldy. Sonymen qatar turǵyndar KASKO saqtandyrýyna qatysty kóp shaǵym aıtty. Sol sebepti О́nerkásipti damytý qory halyqtyń qarjylyq júk­temesin jeńildetý maqsatynda bank­­terge saqtandyrýdy nesıeniń tolyq merzimine emes, bir jylǵa esep­­teý týraly talap engizdi, – dedi J.Ibrasheva.

Eske sala keteıik, jeńildetilgen avtonesıe baǵdarlamasy 2015 jyldan beri jumys istep keledi. Sol ýaqyttan beri 155 mlrd teńgege 29 650 nesıe berilgen. Iаǵnı osynshama adam kólikti boldy degen sóz. Al negizi bıylǵy baǵdarlamaǵa deıin buǵan 82 mlrd teńge bólingen. Baǵdarlama revolverlik júıe­men jumys isteıtindikten, ha­lyq­­tan qaıtarylǵan qarjy qaıta­dan osy jobaǵa jumsalady. Sonyń nátı­je­sinde áý basta bólingen 82 mlrd teńge jeti jylda 155 mlrd teńgege de­ıin ulǵaıǵan.

– Bıylǵy baǵdarlama 16 mamyrda iske qosyldy. Munyń 2015 jyly bas­­talǵan baǵdarlamamen salys­tyr­­ǵandaǵy basty aıyrma­shy­lyǵy – operatorlarynda. Buǵan deıingi baǵdarlamanyń operatory Qazaqstan damý banki bolsa, bul joly О́nerkásipti damytý qory jaýapty. Aldyńǵysymen salystyrǵanda taǵy bir erekshelik bar. Ol – nesıeni bastapqy jarnasyz-aq resimdeý, – dep naqtylady ol.

Baǵdarlamaǵa bólingen qarjy – 100 mlrd teńge. Bul somaǵa shamamen 10 myń kólik beriledi dep kútilýde. Baǵdarlama revolverlik júıemen jumys isteıtindikten, aldaǵy 30 jylda naryqqa 70 myń jańa kólik usyný josparlanǵan. Búgingi tańda «Bank SentrKredıt», «Eýrazııalyq bank», «Halyq bank» ótinimder qabyldaýda. Osy aptanyń basynda bul qatarǵa Forte Bank te qosyldy.

23 mamyrda «Eýrazııalyq banktiń» baǵdarlamanyń alǵashqy transhpen bólgen qarjysyn bir aptada ıgerip tastaǵany belgili boldy. Sondyqtan bank ázirshe turǵyndardyń ótinishin qabyldamaı jatyr. «Eýrazııalyq bank» AQ fılıaly dırektorynyń bólshek saýda jónindegi orynbasary Janserik Sabyrjannyń aıtýynsha, aldaǵy maýsymda taǵy da qarjy bólinbek. Mine, sol kezde ótinimderdi qabyldaý qaıta jandanady.

– Alǵashqy transhpen bizdiń bankke 15 mlrd teńge bólindi. Ony baǵ­dar­­lamanyń alǵashqy tórt kúninde ıgerdik. О́tinimderdi qabyldaý sol sebepti toqtatyldy. Maýsymda ju­mys­­ty qaıta jalǵastyramyz. Jal­py, bizdiń bankke jeńildetilgen avtone­sıe baǵdarlamasy boıynsha 35 mlrd teńge qarastyrylǵan, – dedi J.Sabyrjan.

Qazir el ishinde «baǵdarlama aıasynda beriletin daıyn kólikter joq eken», «jańa kólikterdi birneshe aı kútý kerek» degen áńgime aıtylyp júr. Qazaqstan avtobıznes qaýym­das­­tyǵynyń ókili Qaırat Elamanov osy­ǵan qatysty túsi­nik­teme berdi. Onyń aıtýynsha, avtosalondardyń qoı­­ma­synda 8 myńǵa jýyq avtokólik rezervi bar.

– 2020 jyly qazaqstandyq zaýyttar shamamen 93 myń avtomobıl shyǵardy. Kólik tapshylyǵy joq. О́ıt­ke­ni óndirýshiler baǵdarlamanyń iske qo­sylýyna daıyn boldy. Biz jet­­­kilikti kólemdi jınaı aldyq. Bıyl ón­diris kólemi shamamen 20 pa­ıyz­­ǵa artady dep kútilýde. Maýsym aıyn­da dılerlik ortalyqtarǵa 9 myńǵa jýyq avtomobıl jetkizilmek. Avtomobılder klıentterge aıtylǵan merzimde jetkiziledi, – dep sendirdi Q.Elamanov.

Aıta keteıik, ázirge ótinim berý­shi­ler arasynda Chevrolet úlken sura­nys­qa ıe. Ekinshi orynda Hyundai tur.