Sport • 24 Mamyr, 2022

Tórtinshi orynda qalyp qoıdy

29 ret kórsetildi

Irannyń bas shahary – Tegeranda voleıboldan erler arasyndaǵy Azııanyń klýbtyq chempıonaty aıaqtaldy. О́ki­nishke qaraı, bul jarysta «Taraz» je­ńis tuǵyryna kóterile almady.

Toptyq týrnırde jerlesterimiz Qatardyń «Ál-Raııany» (3:2) men Iraktyń «Soýt Gas Klab» (3:0) klýbtaryn utqanymen, Iran­nyń «M.Shahbad Iezdine» (1:3) ese ji­berdi. Desek te jınaǵan upaı qory pleı-offqa shyǵý úshin jetkilikti boldy. Shı­rek fınalda «Taraz» Taılandtyń «Nak­honrat­chasımasynan» (3:1) basym tústi. Jar­tylaı fınalda «Paıkan Tegeranmen» kúsh synasty. Qansha tyryssa da atalǵan dodada jeti ret dara shyqqan komandaǵa áli jetpedi. Bul oıynda 1:3 esebimen jeńilistiń kermek dámin tatty. Al qola medal úshin tartysta «M.Shahbad Iezdben» qaıta jolyqty. Bul joly da Parsy eliniń voleıbolshylary bizdiń jigitterdi san soqtyrdy – 3:0.

Sóıtip, «Taraz» Azııanyń klýbtyq chempıonatynda tórtinshi orynǵa turaqtady. Al bas júlde «Paıkan Tegeranǵa» buıyrdy. Sheshýshi saıysta alań ıeleri Japonııanyń «Santorıinen» aılasyn asyrdy.

Sońǵy jańalyqtar

Dollar arzandady

Qarjy • Keshe

Uqsas jańalyqtar