Sport • 24 Mamyr, 2022

«Kaspıı» kósh bastady

14 ret kórsetildi

Jeksenbide fýtboldan Qazaqstan chempıonatynyń 12 týry aıasynda ótken taǵy úsh kezdesýdi tamashaladyq. Bul básekelerdiń barlyǵy da alań ıeleriniń paıdasyna sheshildi.

Bul kezeńde kópshiliktiń nazary Aqtaýdaǵy matchqa aýdy. Sebebi «Kaspıı» men «Taraz» ara­syndaǵy oıynda qaı komanda jeńiske jetse, sol jarys kestesinde kósh bastaıdy. Bul básekede alań ıeleriniń asyǵy alshysynan tústi – 2:1. Bir aıta keterligi, birinshi taım bel ortadan aýǵan tusta «Tarazdyń» eki birdeı oıynshysy alańnan qýyldy. Nur-Sul­tanda Petro­pavldyń «Qyzyljary» Oraldyń «Aq­jaıy­ǵyn» qabyldady. Báseke bastalǵan bette Darko Zorıch esep ashsa, 79-mınýtta Jıan Martıns ekinshi goldy soqty – 2:0. «Tobyl» óz alańynda «Maq­taaraldy» qabyldady. Alǵash­qy taımda esep ashylǵan joq. Esesine úzilisten keıin oıyn múlde basqa sıpatta órbidi. Aınaldyrǵan 45 mınýt ara­lyǵynda dop alty márte qaqpa torynan tabyldy. Qostanaılyqtar qatarynan Igor Sergeev dýbldiń avtory atansa, Rýben Brıd­jıdo men Sergeı Malyı bir-bir retten nysanany dál kózdedi. Qonaqtar Rýslan Iýdenkov pen Ramazan Kárimovtiń goldarymen jaýap qaıtardy – 4:2.

Osy jeńisinen keıin 22 upaı jınaǵan «Kas­pıı» jarys kestesinde kósh bastady. Ekinshi jáne úshinshi oryndy ıelenip otyrǵan «As­tana» men «Tarazdyń» aqtaýlyqtardan bir upaılary kem.

Sońǵy jańalyqtar

Dollar arzandady

Qarjy • Keshe

Uqsas jańalyqtar