Elorda • 24 Mamyr, 2022

Nur-Sultanda myńdaǵan úı gazǵa qosylady

18 ret kórsetildi

QR Energetıka mınıstri Bolat Aqsholaqov Nur-Sultan qalasy men Qaraǵandy oblysyn gazben qamtý jumystary jóninde aıtty, dep habarlaıdy Egemen.kz.

«О́zderińiz biletindeı, «Saryarqa» magıstraldi gaz qubyrynyń I kezeńiniń qurylysy 2019 jyly aıaqtaldy. Qazir Nur-Sultan qalasy men Qaraǵandy oblysynyń ákimdikteri gaz taratý jelilerin júrgizip jatyr», dedi Bolat Aqsholaqov búgin ótken Úkimet otyrysynda.

Nur-Sultan qalasy boıynsha birinshi jáne ekinshi kezektiń eki iske qosý kesheniniń qurylysy aıaqtalyp, «Kóktal-1,2», «Agrogorodok», «Jeleznodorojnyı», «Promyshlennyı», «Kúıgenjar», «Mıchýrıno», «Internasıonalnyı» t/a, Ońtústik-Shyǵys oń jáne sol jaǵynda, Potanın kóshesi aýdanyndaǵy qalanyń eski bóligine gaz berilgen.

Nátıjesinde 14 myńnan astam abonent nemese 191 myńnan astam adam tabıǵı gazǵa qol jetkizdi.

«Bıyl respýblıkalyq bıýdjetten shamamen 92 myń adam turatyn Telman, Prıgorodnyı, Femılı Vılladj, Garden Vılladj, Ilınka, Qaraótkel, Shubar, О́ndiris, Kırpıchnyı turǵyn alaptaryna jetkizý jelilerin salýdy kózdeıtin 2,3-kezektiń qurylysyna 23 mlrd teńge qarjy bólindi. Sonymen qatar Nur-Sultan ákimdigi gaz taratý jelilerin salý jobasyn qatar ázirlep jatyr», dedi Aqsholaqov.

Qaraǵandy oblysyn gazdandyrý boıynsha Qaraǵandy oblysynyń ákimdigi Qaraǵandy, Jezqazǵan, Temirtaý qalalarynyń birinshi iske qosý keshenin aıaqtady.

Nátıjesinde shamamen 2,7 myń abonent nemese 8,1 myń adam tabıǵı gazǵa qol jetkizdi.

Sondaı-aq ákimdik Shet, Buqar jyraý aýdandary men Jáırem kentin gazdandyrý jobasyn daıyndap jatyr.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar