Qazaqstan • 24 Mamyr, 2022

Aqsholaqov Reseıden gaz tartýdyń ońtaıly joldaryn atady

25 ret kórsetildi

Energetıka mınıstrligi Soltústik óńirler men ShQO-ny gazdandyrý boıynsha 2 nusqany qarastyryp otyr, dep habarlaıdy Egemen.kz.

«Birinshi nusqa – Reseı Federasııasynan gaz tartý. Bul nusqa qazaqstandyq-reseılik jumys tobynyń sheńberinde qarastyrylýda. Mınıstrlik ákimdiktermen birlesip, gazdandyrýdyń nusqalaryn qaraý úshin tutynýdyń shamadaǵy kólemin anyqtap, reseılik tarapqa joldady. Sondaı-aq gaz qubyrlarynyń ońtaıly marshrýttary anyqtaldy, bul – uzyndyǵy shamamen 1 myń shaqyrym «Barnaýyl – Rýbsov – Semeı – О́skemen - Pavlodar qalasynda tarmaqtalýy» jáne 644 shaqyrym bolatyn «Esil – Petropavl – Kókshetaý – Nur-Sultan», dep túsindirdi Bolat Aqsholaqov Úkimet otyrysy barysynda.

Mınıstrdiń aıtýynsha, qazir reseılik tarap esep júrgizip jatyr, ony bıylǵy ekinshi toqsanda alý boljanǵan.

«Sondaı-aq biz ShQO men soltústik óńirlerdi Reseı Federasııasynan suıytylǵan tabıǵı gazdy jetkizý arqyly gazdandyrý nusqasyn zerttep jatyrmyz. Bul rette ol úshin komprımırleý men qaıta gazdandyrýdyń tıisti ınfraqurylymyn salý jáne qurylysqa tıisti ınvestısııalar salý talap etiletinin atap ótken jón», dedi Energetıka mınıstri.

Sondaı-aq gazdandyrýdyń taǵy bir balamaly nusqasy – gazdy «Saryarqa» magıstraldyq gaz qubyrynan berý.

«Qazirgi tańda «AstanaGaz QMG» AQ Aqmola jáne Soltústik Qazaqstan oblystaryn gazdandyrýdy kózdeıtin «Saryarqa» MGQ-nyń 2-3-kezeńderin salý boıynsha tehnıkalyq-ekonomıkalyq negizdemeni túzetti. Memlekettik saraptama maýsym aıynda shyǵýy múmkin. alýdyń kútiletin merzimi – bıylǵy maýsym. «AstanaGaz QMG» aqparaty boıynsha, materıaldardyń qymbattaýyn eskere otyryp, uzyndyǵy 483 km bolatyn «Saryarqa» MGQ-nyń 2-3 kezeńderin salý quny - shamamen 165 mlrd teńge», dep qosty Bolat Aqsholaqov.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar