Kásipkerler konstıtýsııalyq ózgeristerdi qoldaıdy

Elimizdiń Ata Zańyna túzetý­ler­di oflaın jáne onlaın rejımde talqylaýǵa 400-ge jýyq adam jınaldy: 17 óńirlik keńestiń ókil­deri, kásipkerler, sondaı-aq bas­qar­ma músheleri, «Atameken» UKP de­partamentteriniń dırektorlary, óńirlik palatalardyń dırektorlary jáne olardyń orynbasarlary qatysty.

Jıyn barysynda Qoǵamdyq keńestiń músheleri, Nur-Sultan qa­la­synyń qarjy jáne bıýdjet jónindegi komıssııasynyń tóraǵasy Baýyrjan Smaıylov pen BI Group dırektorlar keńesiniń múshesi Baýyrjan Isabaev óz pikirlerimen bólisti.

«Memleket basshysy óziniń Qa­­zaq­stan halqyna Joldaýynda eli­­miz­di jań­ǵyrtýdyń aýqymdy baǵ­­­darlamasyn­ usyndy. ­Re­fe­ren­dým 2022 jylǵy 5 maýsymda ótedi. Osyǵan baılanysty ekonomıkalyq jáne saıa­sı reformalar baǵytynda bız­nesti damytýdyń jańa pers­pek­tıvalaryn talqylaýdyń kezi ­keldi», dedi «Atameken» UKP bas­qarma tóraǵasynyń orynbasary Erbol О́stemirov.

Shaqyrylǵan sarapshylar jal­py­halyqtyq daýys berýge shy­ǵa­rylatyn Konstıtýsııaǵa en­gi­zi­letin negizgi ózgerister týra­ly aıtty. Jalpy túzetýler 12 ne­gizgi blokty qarastyrady. Birin­shi blok Prezıdenttiń laýazy­myna baılanysty shekteýge qatysty.

«Birinshi kezekte Prezı­dent­tiń ja­qyn týystary úshin kvazı­mem­le­kettik sektorda saıası jáne bas­shy­lyq qyzmetterdi atqarýǵa shek­teý qoıylady. Sondaı-aq Mem­leket basshysynyń óz ókilettigin jú­zege asyrý kezeńinde saıası partııada bolýyna shekteý qoıyldy», dedi Baýyrjan Smaıylov.

Sonymen qatar Prezıdenttiń óńir ákimderi aktileriniń kúshin joıý jáne toqtata turý, aýdan, ob­lystyq jáne aýdandyq ma­ńy­zy bar qalalardyń, aýyldyq okrýg­ter­diń ákimderin qyzmetten bosatý quqyǵyn alyp tastaý usynyldy. Taǵy bir túzetý tuńǵysh Prezıdent mártebesine baılanysty barlyq normany alyp tastaýdy kózdeıdi.

Almaty qalasy óńirlik keńe­si­niń tóraǵasy Maksım Baryshev ózgerister eldegi bıznes ahýaldy jaqsartýǵa yqpal etetinin atap ótti. «Parlamenttiń róli men már­te­besine qatysty mańyzdy óz­ge­­riske nazar aýdartqym keledi. Men býhgalterlik esep salasynda kásipkerlikpen aınalysamyn. Biz salyq zańnamasyna engizilip jatqan ózgerister aýqymyn kórip otyrmyz. 2020 jyldyń ózinde 406 túzetý jasalǵan. Parlament rólin óz­ger­tý boıynsha josparlanǵan ja­ńa­shyldyqta zań aktilerine kóz­qa­ras basqa bolyp, sapa artyp, zań­nama jıi ózgeriske ushyra­maı­dy dep oılaımyn», dedi M.Baryshev.

Mańyzdy usynystardyń biri – Kons­tıtýsııalyq sot, Joǵarǵy sot ókilderi men sýdıalar, sondaı-aq basqa da sýdıalar, Or­talyq saılaý komıssııasy, Jo­ǵa­ry aýdıtorlyq palatanyń tóraǵasy men múshelerine saıası partııalarǵa, kásipodaqtarda múshe bolý, qandaı da bir partııany qoldap sóz sóıleýge tyıym salý.

Usynylǵan ózgerister otan­dyq kásipkerler arasynda qyzý qoldaý tapty. О́ńirlerdiń ókilderi usy­nyl­ǵan tásilderdiń ózek­tiligin atap ótti. Sondaı-aq bastamalardy keıinnen tıimdi iske asyrýǵa óz usynystaryn jetkizdi.

UKP kásipkerler arasynda Konstıtýsııaǵa usynylǵan túze­tý­ler týraly túsindirý jumys­ta­ryn jalǵastyrady. Alda­ǵy ýa­qyt­ta elordalyq kompanııa­lar­dyń eńbek ujymdarymen bir­qatar kezdesý josparlanǵan.