О́ner • 25 Mamyr, 2022

Uly shaıqas

25 ret kórsetildi

Bir taýdyń eteginde kóshpendi eki eldiń qatar ǵumyr keshýi, qoıny qut ulan-ǵaıyr dalany tel jaılaýy múmkin emes, ol bir apanda jolbarys pen arystannyń qatar tynystaýy­n kózge elestetedi. Sondyqtan da aıbarly qos handyqtyń bir-birine degen dushpandyǵy ǵasyrdan-ǵasyrǵa jalǵasty. Jońǵarlardyń jaýgershilik joryqtary tym uzaqqa sozyldy.

Kartınaǵa qarap, sol alasapyran dáýirdiń bulyńǵyr beı­nesi men rýh sıpaty elesteıdi. Muny ǵajaıyp sýretshi Áýbá­kir Ysmaıylov ádemi sýrettegen. Qylqalam sheberiniń shyǵar­­mashylyq jolynyń bas­taýy Qazaqstandaǵy beıneleý óneriniń qalyptasý keze­ńimen tuspa-tus keldi. Ol eli­mizdegi kásibı kórkemsýret mek­tebiniń negizin salýshylar Ábil­han Qasteev pen aǵaıyndy Qo­jyqovtar qatarynda eńbek etken sýretker. Jan-jaqty óner ıesiniń boıyna daryǵan ár­tis­tik, rejısserlik, bıshilik qa­sıeti de, ózge salalarda kóp eń­bek atqarǵanyn aıǵaqtaıdy. Bú­ginde onyń qaı salada bolmasyn, keler urpaqqa qaldyrǵan shyǵarmashylyq eńbegi edáýir.

Qylqalam sheberi esimderi ańyzǵa aınalǵan qazaq batyrla­rynyń erlikterine qaıta jan bi­tirgen jumystarynyń qata­rynda Qobylandy batyrǵa ar­nalǵan ıllıýstrasııalary bar. «Joń­ǵarlarmen shaıqas. Qazaq hal­qynyń epostyq jyrlaryna ıllıýstrasııalar» atty kúr­deli kompozısııaǵa quryl­ǵan akva­reldik týyndysy osy top­tamadan. Paraqta jasyl tóbe basyn­daǵy qarýlanǵan eki batyr­dyń qyzýqandy shaıqasy beıne­lengen. Birinshi bóliktiń sol ja­ǵynda jebe toly qoramsaq, oń bólikte dýlyǵa. Artqy planda atty áskerlerdiń sulbalary jáne aýyl kórinisi. Basyn qar bas­q­an taýlar tolqyndy bult­ty aspan­men jalǵasyp ketedi. Kom­pozı­sııanyń negizgi núktesi – eki batyr­­dyń jekpe-jek ústindegi kóri­­nisi. Olardyń qımyl-qozǵa­lysy na­nymdy ári asa dáldikpen jazylǵan.

Jalpy, XX ǵasyrdyń 30 jyldary Á.Ysmaıylov óz hal­qymyzdyń epostyq jyrla­ry men tarıhyna tuńǵysh qa­lam tartqandardyń biri boldy. Atalǵan týyndylarynda qyl­qalam sheberi qandy shaı­qasty, joryqqa shyǵý nemese ań aýlaý kórinisterin, qazaq hal­qynyń turmysyn jáne batyrlar erligin shynaıy beıneleýge tyrysty. Sonymen qatar epos taqyrybyn, onyń ulttyq minezin ótken tarıhpen baılanystyra, shyndyq turǵysynan dál de naqty aı­qyndaı bildi. Bul kartına sonyń bir bóligi.

Sońǵy jańalyqtar

Sal-seriniń sońy

Qazaqstan • Búgin, 21:30

Jazda lager jetispeıdi

Qoǵam • Búgin, 21:27

GGG – CANELO: Er kezegi úshke deıin...

Kásipqoı boks • Búgin, 21:19

Alash ardaqtysyn túrki álemi ulyqtady

Ahmet Baıtursynuly • Búgin, 21:09

Shabandoz taqym qysyp oqıtyn jyr

Ádebıet • Búgin, 21:08

Bizdiń Saıyn

Ádebıet • Búgin, 21:06

Shavqat jeńiske jetti

Sport • Búgin, 21:05

Maǵjannyń qarasózderi

Ádebıet • Búgin, 21:05

Saf aýadaǵy serýen

Egemen Qazaqstan • Búgin, 21:02

Uqsas jańalyqtar