Erejege sáıkes, janýarlarǵa jaýapty qaraý salasyndaǵy qoǵamdyq baqylaýdy qoǵamdyq ınspektorlar men kommersııalyq emes uıymdar júzege asyrady, olardyń jarǵysynda atalǵan qyzmetti júzege asyrý qaǵıdalary qarastyrylǵan.
Qoǵamdyq baqylaý óteýsiz jáne erikti negizde janýarlardy ońaltý ortalyqtarynda, aýlaý qyzmetterinde, janaspaly haıýanattar baqtarynda, janýarlarǵa arnalǵan baspanalarda, zoologııalyq pıtomnıkter men qonaq úılerde, janýarlardy ýaqytsha ustaý pýnktterinde, jyljymaly menagerlerde, sırkterde, haıýanattar parkterinde júrgiziledi.
Qoǵamdyq baqylaýdy júzege asyrý kezinde janýarlarǵa jaýapty qaraý salasyndaǵy ınspektorlar men kommersııalyq emes uıymdarǵa janýarlardy ýaqytsha ustaý pýnktteriniń, janýarlarǵa arnalǵan panalardyń jáne janýarlarǵa qaraý jónindegi qyzmetti júzege asyratyn basqa da uıymdardyń aýmaǵyna, úı-jaılaryna kirý qamtamasyz etiledi.
Buıryq 2022 jylǵy 24 shildeden bastap qoldanysqa engiziledi.
