Taǵaıyndaý • 27 Mamyr, 2022

Nur-Sultan qalasy men Qaraǵandy oblysynyń prokýrory taǵaıyndaldy

26 ret kórsetildi

Bas prokýror memleket basshysynyń kelisimimen Nur-Sultan qalasy men Qaraǵandy oblysynyń prokýroryn taǵaıyndady, dep habarlaıdy Egemen.kz.

Buıryqqa sáıkes, III sanattaǵy memlekettik ádilet keńesshisi Baýyrjan Qypshaquly Myrzakerov Qaraǵandy oblysynyń prokýrory boldy. Buǵan deıin ol elorda prokýratýrasyn basqarǵan.

Myrzakerov eńbek jolyn 1997 jyly Qapshaǵaı garnızonynda áskerı prokýrordyń kómekshisi bolyp bastaǵan. Osydan keıin Shymkent, О́skemen, Saryózek pen Qapshaǵaı garnızondarynda áskerı prokýratýrada basshylyq qyzmetter atqardy. Bas áskerı prokýrordyń orynbasary boldy. Pavlodar oblystyq prokýratýrasynda jumys istedi. Artynan bas prokýratýrada zańdy kúshine engen úkimderdi oryndaý men zańdylyǵyn qadaǵalaý qyzmetine jetekshilik etti.

2019 jyldan beri Nur-Sultan qalasy prokýratýrasyn basqardy. Búgin onyń ornyna aǵa ádilet keńesshisi Erlan Raqymjanuly О́tegenov taǵaıyndaldy.

О́tegenov te prokýratýra organdarynda 1997 jyldan beri istep keledi. Almaty, Ońtústik Qazaqstan, Aqmola oblystary men Almaty qalasynyń prokýratýralarynda eńbek etti, basshylyq qyzmetter atqardy. Almaty qalalyq tabıǵatty qorǵaý prokýrory men Qarasaı aýdandyq prokýrorynyń orynbasary boldy. Al Aqmola oblysynda Selınograd jáne Egindikól aýdandyq prokýrory, sondaı-aq Almaty oblysynyń Talǵar aýdandyq prokýrory bolyp jumys istedi. Quqyqtyq statıstıka jáne arnaıy esepke alý jónindegi komıtettiń Almaty qalasy boıynsha basqarmasyn basqardy.

2019 jyldyń maýsym aıynan beri Nur-Sultan qalasy prokýrorynyń orynbasary boldy.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar