Senat Spıkeriniń sapary Qoja Ahmet Iаsaýı kesenesine zııarat etýmen bastaldy. Ol jerde senatorlar saıası qýǵyn-súrgin jáne asharshylyq qurbandarynyń rýhyna taǵzym etip, duǵa jasady.
О́ńirdiń zııaly qaýymymen kezdesýde Memleket basshysynyń bastamasymen elimizde júrgizilip jatqan saıası reformalar talqylandy. Sondaı-aq jıynǵa qatysýshylar tarıhı sanany jańǵyrtý máselesine nazar aýdardy. Senat Tóraǵasy bul rette sońǵy jyldarda belsendi júrgizilip kele jatqan asharshylyq taqyrybyn zertteý jumystarynyń mańyzdy ekenin, osy bastamany respýblıkalyq jáne óńirlik deńgeıde jalǵastyrý kerektigin aıtty.
«Asharshylyq taqyrybyna arnalǵan jumystardy ári qaraı jalǵastyrýdyń mańyzy zor. Bul birinshi kezekte, tarıhı sanamyzdy jańǵyrtý úshin qajet. Al, tarıhı sanany jańǵyrtý degenimiz, Táýelsizdikti nyǵaıtý, eldikti eńseli etý jáne ulttyq qundylyqtardy dáripteý jolyndaǵy negizgi qadamdardyń biri», dedi Máýlen Áshimbaev.
Sonymen qatar Senat Spıkeri el Prezıdentiniń bastamasymen qolǵa alynǵan saıası reformalarǵa toqtaldy. Ol Konstıtýsııaǵa engizý úshin usynylǵan túzetýler men aldaǵy referendým elimizdiń saıası júıesin ǵana emes, basqa da salalardy damytýǵa berik negiz qalaıtynyn atap ótti.
«Konstıtýsııalyq reforma bılik monopolııasyn boldyrmaýǵa jáne saıası básekeni damytýǵa jol ashady. Bul bastamalardyń bári Qazaqstandy demokratııalyq, quqyqtyq, ádiletti jáne áleýmettik memleket retinde nyǵaıtýǵa baǵyttalǵan. Osy joldaǵy jumystar Konstıtýsııaǵa ózgerister engizýmen toqtamaıtyny belgili. Aldaǵy ýaqytta da saıası júıemizdi reformalaý isi jalǵasa beredi», dedi Senat Tóraǵasy.
Sonymen qatar Máýlen Áshimbaev Ahmet Iаsaýı atyndaǵy Halyqaralyq qazaq-túrik ýnıversıtetiniń oqytýshy-professorlar quramymen jáne stýdentterimen kezdesti. Ol is-sharada konstıtýsııalyq reformanyń negizgi baǵyttary týraly aıtyp, jastardyń suraqtaryna jaýap berdi.
«Qazirgi tańda bilim alý ómirlik proseske aınaldy. Búginde jaı ǵana saýatty bolý jetkiliksiz. Ýnıversıtet qabyrǵasynda bakalavr nemese magıstr dárejesin ıelendim dep te toqmeıilsýge bolmaıdy. Árdaıym izdeniste bolý qajet. О́zińdi úzdiksiz jetildirip otyrý – jetistiktiń negizi», dedi Palata Spıkeri.
Sondaı-aq Senat Tóraǵasy Kentaý transformator zaýytynyń ujymymen jáne óńirdegi bir top áleýmettik kásipkermen kezdesip, saıası reformalardyń mańyzyna nazar aýdardy. Kezdesýde aımaqtaǵy ózekti máseleler, atalǵan salaǵa qatysty túıtkilder de jan-jaqty talqylandy. Máýlen Áshimbaev aıtylǵan pikirler men usynystar tıisti memlekettik organdar tarapynan pysyqtalyp, Parlamenttiń zań shyǵarý jumysynda eskeriletinin jetkizdi.
