Kongress kitaphanasynda saqtalǵan sýretter

Sazger

Bul sýretti kitaphana­shylar Kazakh man, a musician with a dombra, seated (Qazaq jigiti, dombyra ustap otyrǵan sazger) degen atpen saqtapty. Ar­hıv eskertpesinde bul sýret 1870-1886 jyldar aralyǵynda túsi­rilgen, foto avtory Ermo­lın,  qoljazbalar bólimine Djordj Kennan qujattarynyń bir bóligi retinde saqtalǵan degen túsinikteme jazylǵan. 

Qazaq aýyly

Al «Ombyǵa taıaý jerdegi Qyrǵyz (Qazaq) aýyly» dep arhıvke túsken fotodan qazaq aýy­lyn, arba men beldeýge baılaýly turǵan atty kóremiz. Túsiniktemede Sáýle Sataevanyń qorynan alyndy delingen. Ýaqyty 1885-1886 jyldar eken. Bul da qoljazbalar bólimindegi Djordj Kennan qujattarynyń bir bóligi retinde saqtalypty.

Bolys

Atalǵan sýrettiń taqyryby «Qyrǵyz rýbasy jergilikti orys ulyǵy jáne onyń áıelimen birge» dep kórsetilgen. Al fotodan Sol­tústik Qazaqstandaǵy bir top qa­zaq­tyń  birge sýretke túskenin kóre alamyz. Qoljazbalar bóli­min­­degi Djordj Kennan qu­­jat­tarynyń bir bóligindegi qa­zaq­qa qatysty taǵy bir sýret osy.

Sholaq

Al «Qazaq Sholaq» degen atpen saq­talǵan myna fotosýret qazaqta Ba­lýan sholaqtan basqa taǵy bir sholaq esimdi tulǵaly adam bolǵanyn aıǵaqtaıdy.  

Áıgili kitaphananyń qoljaz­balar bóliminen «Utqul baı», «Uzan baı», «Arsylan baı» degen taqyryptarmen saqtalǵan fotolar kezdesedi.  Arsy­lan baıdyń túsirilgen jyly 1865-1872 jyldar aralyǵynda degen silteme qosa berilgen. «Jarııalaýǵa esh shekteý joq» degen eskertpe de osy fotonyń astynda tur.