Muratqa jolyn tapqan jetedi

Sessııa jumysyna QHA músheleri, Parlament depýtattary, Úkimet músheleri, saıası partııalar, dinı konfessııalar, qoǵamdyq uıymdar basshylary men dıplomatııalyq mıssııa jáne BAQ ókilderi, sheteldik qonaqtar qatysty. Memlekettik Ánuran oryn­dal­ǵannan keıin baıandama jasaý úshin sóz Elbasy, QHA Tóraǵasy Nur­­sultan Nazarbaevqa berildi (Pre­zıdent sózi bólek berilip otyr). Baıan­dama aıaqtalǵan soń ses­sııa jumysyn QHA Tóraǵa­sy­nyń orynbasary – Hatshylyq meń­ge­rý­shisi Eraly Toǵjanov júrgi­zip otyrdy. Ol jaryssózge shyǵa­tyn­dar arasynan alǵash­qy sózdi Qostanaı oblysyn­daǵy «Altynsarın» fermer­lik sha­rýashylyǵynyń dırek­tory Borıs Knıazevke berdi. Men – agronom­myn, meniń sharýashylyǵym Sizdiń strategııańyz ben jyl saı­ynǵy Joldaýlaryńyzdyń iske asqan­dyǵynyń shynaıy kórinisi, dep bastady ol óziniń sózin. Qa­zaqstanda turaqty jumys istegen adam kedeı bolýy múmkin emes. Biz búgin ózimizdiń joldarymyzdy ózimiz jóndeımiz, temirjolǵa jetkizetin tarmaqty da ózimiz tósep alamyz, qajet bolǵan edi – balabaqshany da ózimiz salyp, tip­ti, shyǵarmashylyq ujym da qu­ryp aldyq. Mádenıet úıimiz, sport zalymyz, stadıonymyz, júzý basseınimiz – bár-bári saqa­daı-saı jumys istep tur. Bizdiń aýylymyzda jumyssyzdyq, qyl­mys degen joq, sońǵy úsh jylda eń­bek ónimdiligi 4 ese artty, bir adamǵa shaqqanda biz jyl saıyn 50 myń dollardyń ónimin shyǵa­ramyz. Sońǵy jyldary jer sýarýdyń jańa ádisin engizdik. Keıbireýler bizge «shalshyqtyń sýy­men jer sýarasyńdar» dep kúledi. Kúlse kúle bersin, esesine biz gek­tarynan 500 sentner qyryq­qabat alamyz. Bizge taǵy da «aqshany jelge shashatyndar» dep at qoı­ypty, al biz bul ispen mal jaıylymdaryn sýlandyramyz jáne jelden elektr qýatyn ala­myz, deı kelip, dıqan Elbasyna aýyl sharýashylyǵyn damytýǵa jasaǵan barlyq múmkinshilikteri úshin alǵys aıtty. Sizdiń qamqorlyǵyńyzdyń arqa­synda sońǵy 12 jylda agrar­lyq ónimderdi óndirý kólemi 5 ese artty. Sonymen qatar, Siz­ge «Agro­bıznes-2020» baǵ­dar­lamasyn qa­byldaǵanyńyz úshin zor alǵys bildiremin, dedi ol. Menińshe, bul baǵdarlama Qa­zaq­stannyń ishki rynogyn negizgi tamaq ónimderimen tolyq qamtamasyz etetin bolady. Sóziniń sońynda B.Knıazev: «Men barlyq ómirimdi dala qosyndarynda ótkizip kelemin, qalǵan ǵumyrymda soǵys salqynyn sezdire kórme dep qudaıdan tileımin. Sondyqtan bizdiń halqymyz úshin beıbitshilik pen kelisimdi nyǵaıtýdan mańyzdy eshteńe joq. Bizdiń el – beıbit el, biz eshteńege talaspaımyz, biz bir-birimizge jaqyn adam­dar­myz. Búgingi kúni búkil elimiz Sizdiń «Strategııa-2050» baǵdar­lamańyzdy iske asyrý jolynda jany­ńyzǵa berik toptasyp otyr. Biz áli de «Nazarbaevtyń jyl­damdyǵymen» alǵa jyljı beremiz degen úmittemiz, sizge kóp rahmet», dedi. Elbasy onyń pikirlerine rı­za­shylyǵyn bildirip, aýyl sharýa­shy­lyǵyn aldaǵy ýaqytta da ózi­niń qamqorlyǵynda ustaıtynyn jetkizdi. Osydan keıin sóz Qa­zaq­stan­nyń qurmetti donory Alek­sandr Skakovskııge berildi. Biz­diń bári­mizdiń qanymyz bir, dep bas­tady ol óziniń sózin. Bul – biz­diń mádenıetimizdiń, rýhanııa­ty­myzdyń jáne kelisimimizdiń bir bolýynyń qarapaıym aqıqaty. Odan ári donor óziniń ómir boıy 520 lıtr qan bergenin málimdedi. Bul meniń óz Otanyma degen patrıottyq sezimim dep bilińizder. Men úshin 17 mln. qazaqstandyqtyń bári týys. Qan násilge, ultqa qaramaı, barlyǵyna birdeı kómektesedi jáne bárin týys etedi. Meniń qanym Qazaqstan túgili Armenııaǵa, Túrkııaǵa, Úndistanǵa, Iranǵa, Aýǵanstanǵa, Reseıge, Belarýs pen Ýkraınaǵa, Chernobyldegi japa shekkenderge jiberilgen. Dárigerlerdiń aı­týyna qaraǵanda, men qazir qan berýden dúnıe júzinde ekinshi oryn alady ekenmin. Biraq týǵan Qazaqstanymdy donor adam boıynsha álemde birinshi orynǵa shyǵaratyn kún de alys emes dep oılaımyn. Men, Nursultan Ábishuly, Sizdiń úlgińizben sportpen aınalysamyn, 68-ge kelgen jasymda shylym shek­ken emespin, araq-sharapty aýzy­ma almaımyn. Barlyq otandas­tarymdy da osylaı ómir súrýge shaqyramyn. Qazaqtyń tamasha aqyny Muqaǵalı Maqataevtyń mynadaı óleńi bar: Bárińe! Bárińe! Bárińe! Jasyńa da kárińe! Kimge qan kerek? Ishýge emes, dárige... Men – donormyn. Shıpa bolar qanym bar, Qabyldańdar, alyńdar. Meniń jyly qanymnyń Qasıetin tanyńdar. Joq! Aqshaǵa satpaımyn! Aýrýlar aldynda – Boryshymdy aqtaımyn. О́mir berip ózgege, О́mirimdi saqtaımyn! – degen eken. Bul dál meniń aıtatyn sózderim, deı kelip, sheshen osy óleńniń orysshaǵa aýdarǵan óziniń nusqasyn oqyp berdi. Sóziniń sońynda Prezıdentke qarap, men jurtqa kómektesken saıyn ózimdi jaqsyraq sezinemin, dedi. Kelesi sóz kezegi №30 Pav­lodar orta mektebinde qazaq sy­nyptaryna aǵylshyn tilinen sabaq beretin muǵalıma Iýlıana Ottoǵa berildi. Men – Pavlodar qalasynda ósken nemis qyzymyn, meniń atalarym osy jaqqa jer aýdarylǵan, dep bastady ol óz sózin. Al óz ata-anam osynda týǵan. Men qala balasy bolsam da kishkentaı kezimnen qazaq tilin úırene bastadym. Búgin men qazaq jeriniń qadirin, Qazaq eliniń baqytyn janymmen sezinemin. Ol úshin óz anama osy sahnadan myń da bir ret alǵys aıtqym keledi, degen sózderin ol qazaq tilinde aıtty. Odan ári óziniń qazir aǵylshyn tiliniń mamany eke­nin, Elbasynyń úsh tuǵyrly til týraly tapsyrmasyn iske asyryp júrgenin atap ótti. Odan ári sheshen qazaq tiliniń keń darııasyn jas kezden keshý kerektigin jetkizdi. Árıne, til máselesi óte názik ári shetin. Bizdiń el bul máseleni qazaq halqyna tán danalyqpen turaqty jolmen máńgilikke negizdep sheship keledi. Búgingi kúni qazaq tiliniń memlekettik mártebe alǵanyna 25 jyl tolǵaly otyr. Qazaq tili Sizdiń arqańyzda ǵana Memlekettik til mártebesin alǵanyn bilemiz. Búgingi kúni bizdiń oblysta kóptegen ata-analar balalaryn qazaqsha oqytýda. Qazir ózge ult ókilderinen shyqqan 600-deı oqýshy, 1500-deı mektep jasyna deıingi búldirshin jáne 500-deı stýdent qazaq tilin úırenýde, dedi Iý.Otto. Odan ári sheshen etnos­tary­myzdyń dostyǵy ortaq tarıhqa ne­gizdelgenin aıtty. Osy oraıda, ol óziniń jerlesi Jumabek Qam­zın bastaǵan izshilder otrıadynyń at­qarǵan jumystaryna toqtal­dy. Otrıad Pskov jáne Lenın­grad oblystaryndaǵy Mán­shúk Mámetova men Álııa Molda­ǵu­lo­vanyń eskertkishterin jańǵyrtyp, kútimge alǵan eken. Sonymen birge, Nevel qalasyndaǵy baýyrlastar zıratyndaǵy qazaqstandyqtardyń basyn jańǵyrtypty. Mundaı jumystar jastardy danalyqqa úıretedi, eń bastysy – jas býyn­dy bir-birine jaqyndatyp, týys­tastyrady, dedi ol. Odan ári Iý.Otto Prezıdenttiń óz sózinde Nevel qalasyn aýyzǵa alǵanyn aıtyp, osy zalda sol aýdannyń basshysy Aleksandr Vashenkovtyń otyr­ǵanyn aýyzǵa aldy. Búgin biz úshin urpaqtyń jarqyn bolashaǵy úshin jan bergen árbir azamat Batyr. Uly Otan soǵysyna qatysqan ata­lary­myzdyń bári zor qurmette. Biz olardyń aldynda basymyzdy ııýimiz kerek, deı kelip, sózin Ahmet Baıtursynovtyń óleńimen bitirdi: Bilimdi bolýǵa oqý kerek, Baı bolýǵa kásip kerek. Kúshti bolýǵa birlik kerek, Osy kerekterdiń jolynda jumys isteý kerek. Men barsha jas mamandardyń atynan Siz sııaqty tynymsyz jumys isteımiz dep sóz beremin, dep sheshen sózin aıaqtady. Ormanshy Igor Mýhın: «Mine, 40 jyl men Aqmola oblysynyń orman sharýashylyǵynda eńbek etip kelemin. Orman – men úshin úıim de, ómirim de, maqtanyshym da. Al meniń kóz aldymda Siz, Nursultan Ábishuly, múmkin emes isti atqardyńyz. Jan-jaǵyn esh tosqaýylsyz jel aımalaǵan Astana aınalasyn jasyl jelekke malyndyryp, kádimgi orman ósirdińiz. Bul 110 myń gektar jerdi alyp jatqan ormanda qandaı aǵash joq deseńizshi. Sizge ormanshynyń atynan Qazaqstanymyzdy ormanǵa aınaldyrǵanyńyz úshin alǵys aıtqym keledi. Jáne osy minberden taǵy bir usynys jasasam deımin. Astana EKSPO-2017 alqabynda Beıbitshilik pen kelisim alleıasyn jasaıyq, al biz, ormanshylar oǵan qajetti nebir aǵash kóshetterin daıarlap berýge ázirmiz», degende Elbasy: «Qala ákimi Imanǵalı Tasmaǵambetov túrtip qoısyn, al bizder barlyǵymyz birigip aǵash otyrǵyzatyn bolamyz», dedi. Sheshen ári qaraıǵy sózin bylaı dep jalǵady: «Aǵashtar da adam balasy tárizdi, oǵan nazar aýdaryp, mápelep, baptaǵan saıyn ol jasanyp, jaınaı túsedi. Bizdiń tálimbaqtarda aǵash­tar men butalardyń 23 túri egi­ledi, biz olardyń kóshetterin balalarymyzdaı aıalap, úlken aǵashqa aınalyp, tamyr jaıyp ósetin jerine jóneltip jatyrmyz. Siz de, Nursultan Ábishuly, bizdiń Qazaqstanymyzdy aıalap, ósirip, «Strategııa-2050»-di ómirge ákelip, Otanymyzdyń gúldeı jaınaýyna bar kúsh-jigerińizdi jumsap kelesiz. Men Sizden nazaryńyzdy «Jasyl el» baǵdarlamasyna aýdarýyńyzdy ótinemin. Baǵdar­lama aıaqtaldy, alaıda, biz onyń keleshekte jalǵasqanyn qalaımyz. Sizge shyn júrekten bizdiń eli­mizde turaqtylyqqa, jer-jerde mádenıettiń damyp, tynyshtyq pen kelisimniń ornaǵanyna alǵys aıta­myz». Munan soń minberge kóte­ril­gen Oral qalasyndaǵy «Kaz­Ar­maProm» JShS-niń bas dırektory Stanıslav Kachalo: «Asa mártebeli Elbasy! Siz sııaqty men de me­tal­lýrgpin. Meniń ata-anam Qa­zaq­stanǵa Dnepropetrovskiden kóship kelipti. Men de Siz támam­daǵan JOO-ny aıaqtadym, Siz tárizdi Qaraǵandy metallýrgııa kombınatynda jumys istedim. Biz Sizge ındýstrııalandyrý baǵ­darlamasy úshin alǵys aıta­myz. Men elimizdegi eń bir bu­rynnan kele jatqan armatýra zaýytyn basqaramyn. Biz óz zaýytymyzdyń arqaýynda ulttyq-bıznes baǵytyndaǵy model qurdyq. Shıkizat pen qajetti materıal Qazaqstannan, al daıyn ónimderimizdi kóterińki qunymen shetelge satamyz. Onyń 90 paıyzy Reseıge jóneltiledi. Eksportqa shyǵaratyn ónim kólemi 2 mlrd. teńgeni qurap, jyl saıyn 360 mln. teńge salyq tóleımiz. Sondyqtan da biz úshin ekonomıkalyq ınte­grasııa – zaýytymyzdyń ómir sú­rýiniń kepili. Sonymen qatar, biz óndirisimizdi jańǵyrtý ústindemiz, IT júıesimen basqarylatyn quıý óndirisin ashyp jatyrmyz. Qazir Úndistan men Túrkııa kásiporyndarymen básekege túsýge daıynbyz. Munyń barlyǵy – ındýstrııa. Bul el ekonomıkasyn alǵa súıreıtin – lokomotıv», dedi. Odan ári sózin Nursultan Ábish­uly, Siz aýyldaǵy ju­mysshy otbasynan shyǵyp, Prezıdent qolyńyzben qurysh qaınatyp, bolat balqyttyńyz. Sondyqtan, Jalpyǵa Ortaq Eńbek Qoǵamy jaıyn taǵy da aıtyp óttińiz. Bul – ómirge qajet ıdeıa, ol bizdiń bolashaǵymyzǵa senimdilik uıalatady, dep jalǵaı kelip, elimizdegi turaqtylyqqa shúkirshiligin bildirdi. Elbasyna qarap: «Siz birlik pen yntymaq mádenıetine mán berdińiz, men úshin ol otbasynan bastalady. Meniń 5 balam bar, olar qazaq balabaqshasyna baryp, qazaq mektebinde oqıdy, ulym – respýblıkalyq dombyrashylar konkýrsynyń jeńimpazy. Meniń otbasym óz taǵdyryn tek Qazaqstanmen baılanystardy. Men – ýkraınmyn, áıelim– orys, al bizdiń rýhymyz – qazaq», dep jınalǵandardyń qol shapalaqtaǵan qoshemetimen ornyna bettegende, moderator kelesi sóıleýshini kópshilikke tanystyrdy. Qazaqstan Jazýshylar odaǵy basqarmasy tóraǵasynyń orynbasary Ǵalym Jaılybaı: «Asa mártebeli Elbasy! Elimizdegi tatýlyq pen keli­sim úshin Assambleıanyń min­be­rinen ózińizge myń alǵys aıtqym keledi. Eldegi tynyshtyqtyń for­mýlasy – kelisim mádenıeti ekenin Siz osydan 20 jyl buryn kóre bildińiz. Jarǵaq qulaǵyńyz jas­tyqqa tımeı eńbek etip, táýel­siz Qazaqstandy beıbitshilik be­s­igine aınaldyryp otyrǵan syn­darly saıasatyńyzdy zııaly qaýym túsinedi, qoldaıdy. «Adamzattyń bárin súı, baýyrym dep», aıtqan dana Abaıdyń ónegesi kúlli Qa­zaq­stan halqynyń ustanymy dep bilemin», deı kelip, sózin óleńmen aıaqtady. Shashqanda altyn araı dala tańy, Shapaǵyn dúnıege taratady. Sen meniń baqytymsyń, Qazaqstan, Anamnyń aıalaǵan alaqany.   Izet pen izgilikten irkilmegen, Tulpardyń óz elimnen turqyn kórem. Sen meniń taǵdyrymsyń, Qazaqstan, Úkisi úmitiniń úlpildegen.   Araıyn atar tańynan tosqasyn da, Beıilmiz aq nıetpen dostasýǵa. «Birligim – tirligim» dep jolǵa shyqtyq, Nursultan Nazarbaev kósh basynda.   Mezgilsiz buzylmasyn uıqyń, balam, El edik, dúbir shyqsa qıqýlaǵan. Aqqýdyń qanatynan án qaıyrǵan, Tulpardyń tuıaǵynan kúı tyńdaǵan.   Shyraǵy máńgiliktiń jaǵylǵasyn, Aıbozym alamanda aryndasyn. Kózimniń qarashyǵy, Qazaqstan – Sen meniń qanymdasyń, janymdasyń.   Taǵdyrdyń ózi qosqan, tamyry baı, Janaryń jaryq bolsyn, jaryǵym-aı. Sen meniń jalǵyzymsyń, Qazaqstan – Jalǵanda jalǵyzdardyń jary Qudaı. Budan keıin sóz Sh.Ýálıhanov atyndaǵy Kókshetaý memlekettik ýnıversıtetiniń halyqaralyq yntymaqtastyq jónindegi bas­qarmasynyń basshysy, Qazaqstan halqy Assambleıasynyń Aqmola oblysy boıynsha ǵylymı-sarap­tamalyq ortalyǵynyń múshesi Bel­la Gazıevaǵa berildi. Men Aqmola oblysynda, taǵdyrlaryn qazaq jerimen máńgige baılanystyrǵan deportasııalanǵan ıngýshter otbasynda ósip, tárbıelendim. Ájem Leıla Kozoeva maǵan ózderin repressııalanǵan nemisterdiń otbasyna qalaı ornalasqandary jóninde aıtyp bergen edi. Meniń ájem úlken meıramdarda úı ıesiniń sútke salyp qalaı kartop ázirlegenin máńgige esinde saqtap qalǵanyn da jıi aıtatyn. Ashtyqtyń, qıyndyqtyń taýqymetin tartqan jandarǵa bul barshylyqtyń, aman-saýlyqtyń, jaqsy ómirge degen sáýleli úmittiń bir sımvolyndaı bolyp kóringen eken. Sol kezde ájem ósken soń óz úıinde árdaıym kartop pen sút bolýy úshin, odan tarshylyq kórmeý úshin aıanbaı eńbek etýge sóz beripti. Sol ýaqyttan beri bizdiń otbasymyzda eńbek eń mańyzdy uǵymǵa aınaldy. Biz árdaıym mol etip dastarqan jaıamyz. Se­bebi, qazaqstandyqtar búginde beıbit­shilik pen turaqtylyqtyń arqasynda molshylyqta ómir súrýde. Bıylǵy jyly cheshen-ıngýsh halyqtarynyń deporta­sııa­lanǵanyna 70 jyl toldy. Bul – bizder úshin tarıhtyń qaraly kúni. Alaıda, bul dataǵa búgin 70 jyl ishinde biz kim boldyq degen turǵyda qaraıtyn boldyq. Eń bastysy – biz myqty, táýelsiz, qalyptasqan memlekettiń azamat­taryna aınaldyq. Men – qazir joǵary oqý ornynda sabaq beretin ustazbyn. Fılologııa ǵylym­darynyń kandıdatymyn, «Bola­shaq» baǵdarlamasynyń stıpen­dıa­tymyn. Bul – Sizdiń, Elbasy beı­bitshilik pen kelisimdi negiz et­ken kóregen saıasatyńyzdyń je­misi, dedi B. Gazıeva óziniń sózinde. Ol, sondaı-aq, oqytýshy re­tinde ózderiniń Qazaqstannyń joǵary mektebiniń halyqaralyq standartqa saı bolýy úshin bar kúsh-jigerlerin jumsaıtynyn jetkizdi. Bul rette, eń úlken bıiktikti baǵyndyrǵan, úlken deńgeıli joǵary oqý oryndarynyń bilimniń, ǵylymnyń, ınnovasııa men bıznestiń basyn biriktiretinin, buǵan Nazarbaev Ýnıversıteti dálel bola alatynyn atap ótti. Bul rette ol: «Nursultan Ábishuly, bizge óńirlerde de myqty ýnı­ver­sıtetter aýadaı qajet. Sol kezde jastarǵa sapaly bilim alý úshin basqa elder men qalalarǵa barýdyń qajeti bolmaıdy. Kampýs túrindegi stý­denttik qalashyqtardy qurý tek qana jergilikti ǵana emes, sondaı-aq, sheteldik stýdent­terdi de ózine tartar edi. Ýnıver­sı­tetter – jastardyń azamat­tyq belsendiliginiń ortalyǵy. Bizge EKSPO-2017-ge deıin myq­ty volonterlik qozǵalys qurý qajet. Sebebi, búginde jastardyń 70 paıyzǵa jýyǵy 2017 jylǵy megajobanyń belsen­di qatysýshylary bolyp, bola­shaqqa umtylǵan Qazaqstandy álemge tanytqysy keledi. Bul rette, Nursultan Ábishuly, Sizge álemdik deńgeıde moıyndalǵan ǵalamdyq jobalaryńyz úshin úlken alǵysymyzdy bildiremiz», dep túıindedi óz sózin. Al «Shyǵys» óńirlik qol­bas­shylyǵy Áskerı orkestriniń áskerı qyzmetkeri Olga Saǵyndyqova ózin Semeı turǵyny retinde ári áskerı azamat retinde ıadrolyq qaýipsizdik jaıy aıryqsha tolǵandyratynyn jetkizdi. Ol Elbasyǵa qarata aıtqan sózinde: «Siz zor qoldaý kórsetken «Ne­vada-Semeı» uıymyna bıyl 25 jyl toldy. Siz Semeı polı­gonyn japqannan keıin 365 myń sharshy shaqyrym jer el ıgiligine qaıtaryldy. El men jer saýyǵyp keledi. Al Qazaqstan Sizdiń basshylyǵyńyzben álemdik ıadrolyq qaýipsizdik isiniń kóshbasshysyna aınaldy. Siz Gaagada ótken ıadrolyq qaýip­siz­dik jónindegi álemdik basqosýda tórde otyrdyńyz», deı kele, bul kúngi Assambleıaǵa qatysýshy aza­mattardy Gaagada ótken ıadrolyq qaýipsizdik jónindegi Sammıt alańynda júrgizilgen nátıjeli kelissózderi úshin Memleket bas­shysyn jáne Qazaqstan halqyn qut­tyqtaýǵa shaqyrdy. Sondaı-aq, ol óziniń qazaq ot­basynyń kelini ekenin de aıtyp ótti. Men – qazaqtyń kelinimin. О́mirlik jarym Marat ekeýmiz – 5 bala tárbıelep otyrǵan baqytty otbasymyz. Meniń ata-anam Reseıdiń Ivanovo qalasynda turady. Qazaq topyraǵyn basqan, dám-tuzyn tatqan olar, men barǵanda, eń aldymen, «Marat balam qaıda? Dombyrań qaıda?», dep suraıdy. Qazaqtyń ánin menimen qosa aıtady. Sizdiń ándi jaqsy kóretinińizdi, jaqsy aıtatynyńyzdy bárimiz bilemiz. Ruqsat etseńiz, bir án aıtyp bergim keledi, dep ánniń bir qaıyrmasyn oryndap berdi. Bul kúngi sessııa otyrysynda ǵaryshker-ushqysh Aleksandr Vık­to­renko da óz kókeıinde júr­­gen oılarymen bólisti. Men Sol­tústik Qazaqstan obly­syn­da týdym. Halyqaralyq ekı­paj­dyń komandıri retinde «Mır» stansasynan ǵaryshqa 4 ret ushtym. Meniń basty aıla­ǵym – Qazaqstan. Tek Qazaq­stannyń terrıtorııasynda ǵana stratosferaǵa jáne ǵaryshqa eń jaqyn núkte – Baıqońyrdyń bolýyn jaqsy belgi retinde sanaımyn. Siz, Nursultan Ábishuly, bizdiń barlyq ǵarysh­ker­lerimizdi shyǵaryp salyp, qarsy aldyńyz. Sizdiń bergen batańyz bizge qulshynys syılap, elge, jerge aman-esen oralýymyzǵa áser etkendeı bolady. Bizge, ǵaryshkerlerge árdaıym: «Sýyq ǵaryshta sizder ne týraly oı­laısyzdar?» dep suraq qoıyp jatady. Al biz ıllıýmınatorǵa qarap, Jerdiń sonshalyqty kishkentaı ári názik ekenine kóz jetkizemiz, dedi A.Vıktorenko óz sózinde. Osylaı deı kele, ol tek árbir eldegi beıbitshilik pen kelisim ǵana ony nyǵaıtyp, bolashaq urpaqqa amanattaýǵa sep bolatynyn jetkizdi. О́z sózin ol: «Búginde men Qazaqstanmen birgemin. Bul el eń ilgerishil bi­limge umtylýda. Biraq, eń bastysy – Siz, Nursultan Ábishuly, stra­tegııalyq mindet – halyqty qorǵaý mindetin nazarda ustap otyrsyz. Bul – beıbitshilik pen kelisimniń qazaqstandyq úlgisi. Sizdiń jolyńyz Qazaqstandy jańa, jaryq ǵaryshtyq orbıtaǵa alyp shyqty. Men búgin ózimniń besinshi ǵaryshtyq, rýhanı saparymdy jasaıtyn bolsam, onda eń aldymen «Qazaqstan ǵalamsharyn» betke alamyn. Eger, men kópetnosty ekıpajdyń qatardaǵy qyzmetkeri bolsam, Siz – bizdiń komandırimizsiz. Siz bizge rýhanı «Baıqońyrsyz!» dep túıindedi. Budan keıin sóz kezegi Sochı Olımpıadasynyń qola júldegeri Denıs Tenge berildi. Men eń aldymen Olımpıada kúnderinde bizdi qoldap, qamqorlyqtar jasaǵanyńyz úshin Sizge shyn júrekten alǵysymdy bildiremin, dep bastady ol óziniń sózin Elbasyna qaratyp. Men sizdiń kitaptaryńyzdy oqydym, «Elbasy joly» fılmin kórdim. Sonymen birge, Sizdiń sportty jaqsy kóretinińizdi bilemin. Sizdiń jigerińiz myń gradýstyq peshtiń túbinde ǵana emes, sportta da shynyqqan. Árıne, ol kezde sportpen kásibı túrde aınalysý úshin sizderde jaǵdaı bolǵan joq. Esesine qazir Siz sportshylardyń bárine tamasha jaǵdaı jasap otyrsyz. Búgingi kúni elimizde 35 stadıonnyń jumys isteıtini sonyń aıǵaǵy. Alda 2017 jyly Almatyda bolatyn Ýnıversıada tur. Sonymen birge, biz Qazaqstannyń 2022 jyly Qysqy Olımpıada ótkizý quqyn jeńip alatynynan úmittimiz, deı kelip, D.Ten odan ári ózi aınalysatyn sporttyń mánerlep syrǵanaý túriniń ereksheligine toqtaldy. Bul sport túri joǵary ónerdiń tilimen sóıleıdi, dedi ol. Osy sporttaǵy árbir sportshynyń basty armany – bir sekirgende bes ret aınalýǵa qol jetkizý. Ondaıdy jasaı alǵan sportshy birden chempıon bolady. Sizdiń «Strategııa-2050» josparyńyz Qazaqstannyń bir sekirgendegi 50 ret aınalǵany bolǵaly tur. Biz oǵan qol jetkizsek, HHI ǵasyrdyń uly chempıondary qataryna ener edik. Men bul bıikke qol jetkize alarymyzǵa 100 paıyz senemin, dedi sheshen. Osydan keıin Qazaqstannyń «Astana-Dakar» rallı-reıd ko­mandasynyń kóshbasshysy Artýr Ardavıchýs sóılep, El­basyna óz komandasynyń jetis­tikteri týraly baıandady. Bizdiń komandamyz Eýropa, Amerıka jáne Afrıka qurlyqtaryndaǵy mem­leketterdiń ústimen 100 myń shaqyrymnan artyq jol júrýge qol jetkizdi. Sóıtip, biz Álem kýbogyn jáne Dakardy jeńip aldyq. Biz barlyq jolymyzda ózimizdiń beıbitshilik jáne dostyq týymyzdy jelbiretip júrdik. Bizdiń sportymyz – bul motordyń gúrili, rýhtyń kúshi, kez kelgen kedergini eńserýge daıyndyq. Nursultan Ábishuly, biz óz ekıpajymyzdyń komandıri Siz dep tanımyz. Sizdiń bas­taýyńyzben biz talaı bıikterge jetemiz, dedi ol. Osydan keıin belgili sport mesenaty, Almatynyń «Qaırat» fýtzal klýbynyń prezıdenti Qaırat Orazbekov sóıledi. Ol óz klýbynyń Assambleıamen qurdas ekenin atap ótti. Bizdiń jolymyz, Elbasymyzdyń joly sııaqty jeńister men jetistikterden turady. Biz – Eýropa chempıony bolǵan Qazaqstannyń tuńǵysh koman­dasymyz. Bul jeńis – bar­sha qazaqstandyqtardyń jeńisi. Eń bastysy – Sizdiń jeńisińiz, Nursultan Ábishuly, dedi ol. Odan keıin sheshen Eýropa chem­pıonynyń ataýly maıkasyn Elbasyna tapsyrdy. Moderator kelesi sóz ke­ze­gi­ne sarapshyny tartty. Aty-jó­nim Iýlııa Denısenko, men sa­rap­shylyq jumyspen aınalysamyn, al oǵan jýrnalıstigimniń arqasynda keldim. Birde redaksııamyzǵa aýyr ýaıymnyń tuńǵıyǵyna batqan ana keldi. Onyń qyzy úıinen de, mektepten de qashyp, sektanyń shylaýyna túsipti. Meniń ol maqalam gazet betinde jarııalanǵan joq, biraq biz qyzdy qutqaryp qaldyq, dedi Iý.Denısenko. Eli­mizde sońǵy 3 jyldyń ishinde qa­zaqstandyq sarapshylar 2000 osyndaı ýaqıǵany tirkegen. Bul jáı sandar emes. Onyń artynda qanshama oırany túsken otbasy, búlingen taǵdyrlar, tipti, bala­lardyń urlanýy men ómirmen qoshtasýlary jatyr. Adamdardyń osyndaı qaı­ǵysyna tózý jáne qoǵamdy búldiretin aǵymdarǵa ilesip, «aýrý vırýsyn» juqtyryp, adasqan taǵdyrlarǵa jáı qarap turý óte qıyn. Al adamdardy osyndaı «aýrýdan» emdeıtin dári bar, ol – Sizdiń beıbitshilik pen kelisimge negizdelgen dana saıasatyńyz. Jáne birinshi kezekte ol – Qazaqstan halqy Assambleıasy. Assambleıa shańyraǵy astynda búkil elimiz birikti. Biz ártúrlimiz, biraq, bir halyqpyz. Bizdiń birligimizge eshkim syna qaqpasyn dep rýhymyzdy nyqtaǵan jurtpyz. Sizdiń arqańyzda biz «shekarasyn taspen emes, dospen qorshaǵan» berekeli elde turamyz. Rýhy bıik eldiń senimi qashanda myqty. Ana qursaǵynda balanyń aldymen mıy emes, júregi paıda bolady eken. Senim máselesinde júrektiń orny erekshe. Árkimniń Mekkesi – óziniń júregi. Sondyqtan júrek taza bolýy kerek. Al bizdiń mindetimiz – keler býynǵa sol sezimderdi egý. Bizdiń tabysymyz – Sizdiń álem tanyǵan qazaqstandyq modelińiz – beıbitshilik pen kelisim kýrsy, dep sózin aıaqtady sheshen. Kelesi sóz ıesi Shýhrat Mara­sýlov: «Men – dúngenmin. Byl­tyrǵy jyl dúngenderdiń qazaq jerin meken etkenderine 135 jyl toldy. Ol bir babalarymyzdyń basyna qıyn kúnder týǵan, týǵan jerinen bezgen alapat kezeń eken. Dúngender qazaq halqynyń janashyrlyǵynyń, izgi júreginiń arqasynda sol zulmattan aman qaldy. 2013 jyldyń 15 qyrkúıeginde Masanchı aýylynda qoıylǵan eskertkishte «Qazaq halqyna myń alǵys» dep tasqa qashalyp jazyldy. Nursultan Ábishuly, 15 jyl buryn Astanada Sizdiń bastamańyzben jańa zamanǵy klınıka turǵyzyldy. Búginde ol eýropalyq standartqa saı Ulttyq ǵylymı-medısınalyq ortalyqqa aınaldy. Al týra 10 jyl buryn Siz jańa kardıo­hı­rýrgııalyq klınıkanyń tusaýyn kestińiz, 7 sáýirde onda tuńǵysh ota jasaldy. Búgin sol alǵashqy pasıent ortamyzda otyr. Ol – Atyraýdan kelgen Kádirbek aǵa Qojahmetov», dedi. Bizdiń keshegimiz ben búgingimizdi múlde salystyrýǵa kelmeıdi, dep jalǵady ol óziniń sózin. Balalar kardıohırýrgi retinde mynany aıta alamyn. Buryn otadan keıin kóz jumý 95 paıyz bolsa, qazir ota jasalǵandardyń 90 paıyzy tolyq saýyǵyp ketedi. Bul, Nursultan Ábishuly, Sizdiń qazaqstandyqtardyń densaýlyǵy úshin úzbeı jasap kele jatqan qamqorlyǵyńyzdyń arqasy. Búgingi kúni elimiz boıynsha jyl saıyn 15 myń júrekke ota jasalady. Bizge tek ózimizdiń emes, ózge eldiń de azamattary qaralady. Máselen, sońǵy 3 jylda AQSh, Qytaı, Kýveıt, Birikken Arab Ámirlikterinen 120 adam kelip, emdelip shyqty. Elimizdegi medısınada az jyldyń ishinde óte bir zamanaýı tehnologııalar endirildi. Biraq dáriger retinde Sizdiń sózińizdi qaıtalaǵym keledi. «Densaýlyqtyń 80 paıyzy adamnyń ózine baılanysty». Ol – óz ómirińe, densaýlyǵyńa degen jaýapkershilik. Qurmetti Nursultan Ábishuly, Sizge zor densaýlyq, Otanymyzǵa bereke men mamyrajaı ómir tileımin». Kelesi kezekte sóz berilgen Parlament Májilisiniń depý­taty, general-leıtenant Abaı Tas­bolatov: «Asa mártebeli Joǵarǵy Bas qolbasshy myrza! Sizdiń bastamańyzben Qazaq­stannyń qýatty Armııasy qu­ryldy. 1992 jyly Siz elge qyzmet etetin áskerı kadrlardy daıyndaý týraly tapsyrma bergen bolatynsyz. Búgin Qazaqstannyń áskerı oqý júıesi qalyptasty dep baıandaımyn. Aldaǵy jyly Uly Jeńiske 70 jyl tolady. Qazir mereıli dataǵa qyzý daıyndyq bastaldy. Ol soǵysqa qazaq jerinen 1 mıllıon 800 myńǵa jýyq azamat attanyp, onyń teń jartysy qurban boldy. Búgin Uly Otan soǵysynyń 6300 ardageri ortamyzda. Olardyń birqatary qazir aldymyzda otyr. Sizderge myń alǵys, qadirli ardagerler! Armııa– azamattyqtyń zor mektebi. Al saıası bólim–áskerlerdiń rý­hanı shtaby. Siz Qazaqstan halqy Assambleıasyn el birliginiń shta­byna aınaldyrdyńyz. Eldigi myqty, memleketi tutas, sheka­rasy berik, abyroıy joǵary bolsyn deıtin adam Sizdiń basta­malaryńyzdy tolyqtaı qol­daıdy», dedi. Jaryssózder aıaqtalǵannan keıin kún tártibindegi etnomádenı birlestikter atynan Qazaqstan halqy Assambleıasy Tóraǵasynyń eki jańa orynbasaryn taǵaıyndaý rásimi bolyp ótti. Buǵan deıin bul mindetterdi Knıaz Ibragımovıch Mırzoev pen Aleksandr Iosıfovıch Baron atqaryp kelgeni belgili. Keshegi otyrysta ústimizdegi jylǵa orynbasarlyq qyzmetke Parlament Senatynyń depýtaty, Qazaqstannyń orys, kazak jáne slavıan uıymdary assosıasııasy tóraǵasynyń orynbasary Ana­tolıı Afanasevıch Bashmakov pen Soltústik karel-fın ókil­derin biriktirgen «Sýomı» etno­mádenı birlestiginiń tóraǵasy Aleksandr Borısovıch Smırnov taǵaıyndaldy. Budan keıin nátıjeli kór­setkishteri men eren eńbekteri úshin birqatar azamat memlekettik nagradamen – «Qurmet» orde­nimen jáne Qazaqstan halqy Assambleıasynyń «Qazaqstan halqy Assambleıasynyń qoǵamdyq «Birlik» altyn medalimen» nagradtaldy. 2014 jyly Sochıde ótken HHII Qysqy Olımpııa oıyndarynda qola medalǵa ıe bolǵan Denıs Tenge «Qurmet» ordeni tapsyryldy. Al Almaty oblysynda 12 balany ajaldan arashalap qalǵan Beısetaı Dáýrenbekov, Qazaq KSR-iniń halyq ártisi Lakı Kesoglý, Shyǵys Qazaqstan oblysyndaǵy sáýletti-etnografııalyq jáne tabıǵı-landshaftyq murajaı-qoryǵynyń dırektory Nıkolaı Zaısev, qoǵam qaıratkeri Oralbaı Ábdikárimov, Reseı Federasııasynyń Pskov oblysyndaǵy Nevel aýdanynyń basshysy Aleksandr Vashenkov, Pavlodar oblysy «Polonııa» polıak qoǵamynyń tóraǵasy Vıtalıı Svınsıskıı jáne Reseı Federasııasyndaǵy «Rısk» kompanııasynyń prodıýseri, derekti kıno rejısseri Darıa Vıolına Qazaqstan halqy As­sambleıasynyń qoǵamdyq «Bir­lik» altyn medaliniń ıegerleri atandy. Nagrada tabystalǵannan keıin Qazaqstan halqy Assambleıasynyń HHI sessııasy qatysýshylardyń Qazaqstan halqyna úndeýi jarııa etildi. Onda jalpyulttyq bir­likti, turaqtylyqty nyǵaıtýǵa, eks­tremızmge, zorlyq-zomby­lyqqa birlese qarsy turýǵa shaqyrǵan sózder bar. Sondaı-aq, úndeýde Qazaqstan Prezıdentiniń salıqaly, syndarly jáne sarabdal saıasaty, ony búkilhalyqtyq qol­daý, halqymyzdyń uly maqsat­tarynyń – eldiń ósip-órkendeýi men gúldenýiniń jolynda top­tasýy ǵana Otanymyzdyń kemel bola­shaǵyn qamtamasyz etýge múmkindik beredi degen nyq senim kórinis tapqan. Úndeý jarııa etilgennen keıin de sóıleımin degen adamdardyń qatary az bolmady. Solardyń biri – «Kazakhstan Kagazy PLC» kompanııasynyń bas dırektory Mateos Tomas. О́zin Ulybrıtanııa azamaty dep tanystyrǵan ol Qazaqstanda 5 jyl jumys is­tep jatqanyn, ózi basqaryp otyr­ǵan zaýyttyń qaptama qaǵazdaryn makýlatýra jınaý arqyly shyǵarýda ekenin tilge tıek etti. Bir kezderi óziniń zaýyt aksııalaryn London bırjasynan satyp alǵandyǵyn aıtqan sheshen óz kapıtalynyń saqtyǵyna esh alańdamaıtynyn jáne jaqynda Astanaǵa jaqyn mańnan taǵy bir zaýyt salǵysy keletinin jetkizdi. Ol óz sózinde Prezıdenttiń beıbitshilik pen kelisim modelin álemge pash etý qajet, deı kelip, óz kompanııasynyń Londonda Beıbitshilik pen kelisim ortalyǵyn ashýǵa qolǵabys etýge daıyndyǵyn alǵa tartty. «Qazaqstan kásipkerleri palatasy» AQ halyqaralyq yntymaqtastyq departamentiniń bas sarapshysy Davıd Sýkıasıan osydan toǵyz jyl buryn Elbasynyń «shet elde bilim alý kerek jáne Qazaqstanǵa jumys isteý úshin oralý kerek» degen sózderin esine túsirip, sol údeden shyqqanyn jetkizdi. Men óz taǵdyrym úshin Sizge rahmet aıtamyn, qurmetti Elbasy. «Bo­lashaq» baǵdarlamasy arqyly Nıý-Iorkte bilim aldym, qazir Ulttyq kásipkerler pala­tasynda qyzmet etemin, dedi ol erekshe maqtanyshpen. Onyń aıtýynsha, AQSh-ta oqyp júrgen kezderinde shyǵys Amerıkanyń 10 shtatynda oqıtyn jastar kiretin «Qazaqstan stýdentteriniń assosıasııasyn» qurǵandyqtarymen de bólise ketti. Ol jerde barlyǵy da qazaq atanyp, Otandaryna degen sezimderin ushtaı túsipti. Al qazirgi jumysy barysynda Elbasynyń qoldaý bildirgen Jarlyǵyn kásipkerler erekshe qabyldaǵanyn jáne Ulttyq ınvestorlar keńesinde naqty tapsyrmalardyń mańyzy aıqyn sezilgendigin ortaǵa saldy. Onyń paıymynsha, Qazaqstanda shaǵyn jáne orta bıznes órkendeıtin bolady. Qazirdiń ózinde 2,5 mıllıon kásipkerdiń belsendi jumys isteýi sonyń jarqyn kórinisi. Sonymen qatar, D.Sýkıasıan jaqynda óziniń áke bolǵan qýanyshymen bólise kelip, naǵyz qazaq retinde «qyrqynan shyǵarý» rásimin jasaǵandyǵyn da jetkizdi. Onyń aıtýynsha, balanyń ómirge kelýimen beıbitshilik pen tynyshtyqty saqtaý ómiriniń mańyzyna aına­lyp otyr. Sondyqtan da ol jas urpaqtar atynan Elbasy­nyń «Strategııa-2050» baǵdarla­masynda alǵan qoıǵan mindetterin oryndaý úshin 24 saǵat tynbaı eńbek etýge daıyn ekenin bildirdi. Bizdiń aldymyzda úlken mindet tur. Ol – qazaq tilin jetik bilý. Meıli siz qazaq bolyńyz, meıli orys nemese armıan bolyńyz, memlekettik tildi bilý kerek. Tájirıbe bolmasa, eshqandaı nátıje bolmaıdy. Sondyqtan bizge jumysta, dúkende, úıde, kóshede, barlyq jerde qazaqsha sóıleý kerek. Bir bolyp jumylsaq, kelesi Assambleıada bárimiz qazaqsha sóılep otyramyz. Soǵan jeteıik!!! – dep sózin bas sarapshy joǵary pafosta aıaqtady. Budan keıin ortaǵa «Qazaqstan temir joly» UK» AQ-tyń «Aqtóbe dıstansııasynyń baılanys jáne dabyl» fılıalynyń telefonısi Anastasııa Lýshpeı shyqty. Onyń aıtýynsha 16 saǵat júretin «Astana – Aqtóbe» júrdek poıyzy jańa zamanaýı vagondardan turady. Qazir barlyq baǵyttar boıynsha poıyzdar jańartylyp jatyr. Sonymen qatar, sheshen 1200 shaqyrym temirjol salynǵanyn, taǵy osynshama jol jelisi tartylaryn aıtty. Elimizde «jolyna qarap, elin tany» deıdi. Siz Qazaqstannyń kólik joldaryn ǵana emes, damý jolyn da dańǵylǵa aınaldyrdyńyz. Sol úshin sheksiz kóp rahmet, dedi ol Elbasyǵa qaratyp aıtqan sózinde. Hromtaý – Altynsarın temirjoly salynyp jatqanda óziniń áli oqýshy ekenin, aýdan turǵyndary sol 2004 jyldyń 30 qarashadaǵy qaqaǵan sýyǵynda Elbasynyń arnaıy kelip, jańa temirjolmen júretin poıyzdarǵa jol ashyp bergendigin umyta qoımaǵandyǵyn da ortaǵa saldy. Sol salıqaly sheshimniń arqasynda kóptegen zamandastarym temirjolshy boldy, dep málimdegen ol óziniń armany oryndalǵany úshin de rahmetin jetkizýdi umytqan joq. Qazirgi tańda ol 1000 voltti quraldarmen jumys isteýge de múmkindik alypty. Negizinen erler isteıtin iske barǵandaǵy basty sebebin ol Elbasynyń qıyndyqtardan moıymaı, kez kelgen kedergilerdi eńsere biletin qabiletinen úırengendigimen túsindirdi. Men úshin, mysaly, Sizdiń ómir jolyńyz – Elbasy joly. Qazaqstan – qýatty jáne ushqyr poıyz, oǵan ártúrli adamdar minedi jáne bir tańdalǵan baǵytqa barady. Ol baǵyt Siz – bizdiń Elbasy qalaǵan baǵyt. Biz Sizben birgemiz! Biz árdaıym Sizdiń janyńyzdamyz, – dedi A.Lýshpeı sóziniń sońynda. Qazaqstan halqy As­sam­bleıasynyń HHI sessııasy otyrysyn qorytyndylaǵan Elbasy QHA Tóraǵasy Nursultan Nazarbaev óz atyna aıtylǵan jyly sózderdiń barlyǵyn ortaq jumystyń jemisti jaýaby jáne halyqtyń ortaq tabysy retinde qabyldaıtyndyǵyn jetkizdi. Táýelsizdik jyldary, tipti, jańa eldi quryp, jańa urpaqty tárbıelep shyǵardyq, degen Memleket basshysy elimizdi aıaǵynan nyq turǵyzyp, ekonomıkany kóterip, halyqtyń turmysyn aıtarlyqtaı jaqsarttyq degendi basa aıtty. Endi elimiz damýynyń jańa kezeńi kele jatyr. Men jarııa etken ındýstrııalandyrý – kez kelgen halyqtyń aldynda kúrdeli jumys. Biz Qazaqstan baılyǵyn: munaı, gaz, metall, tyńaıtqyshtardy jáne ózgelerin satýǵa úırenip qalǵanbyz, endi osynyń barlyǵyn, bul aýyl sharýashylyǵyna da qatysty, qaıta óńdeý qajet. Jáne de elimiz baılyǵyn eseleı túsý kerek, dedi Nursultan Ábishuly. Jahandyq daǵdarys áli de jal­ǵasyp jatqandyǵyn tilge tıek etken Prezıdent daǵdarys­tyń jańa tolqyny kelýi múm­kindigimen de bólisti. Oǵan el aldyn ala daıyndalǵany jáne qazirgi kezde ekonomıkanyń da­mýyn qamtamasyz etý úshin memleket rezervinen 1 trıllıon teńge bólingeni de aıtylmaı qalmady. Eń aldymen shaǵyn jáne orta bıznesti qoldaý basty nazarda bolmaq. Qarjy kózi naqty jobalarǵa, aldyńǵy kezekte aýyl sharýashylyǵy ónimderin óńdeýge baǵyttalatyn bolady. Bizde et, sút jáne jemis pen kókónis bola tura, azyq-túlikti satyp alýymyz durys emes. Munyń barlyǵyn derlik ózimizde óndirýimiz qajet. Ekinshi kezekte, ındýstrııalyq baǵdarlamany qarjylandyryp, elimizdiń qarjylyq júıesin ońtaılandyratyn bolamyz. Olar da ekonomıkany qarjylandyrýy tıis, dedi Nursultan Ábishuly. Osylaısha ekonomıkany qıyn sátte qoldaý úshin Ulttyq qordyń qurylǵandyǵyn, endi jınaqtalǵan qarjy eldiń ıgiligine baǵyttalatynyn ortaǵa saldy. Sonyń nátıjesinde shaǵyn jáne orta bızneste myńdaǵan adam eki qolǵa bir jumys taýyp, jańa bıznes sýbektileri salynatyn bolady. Kadr daıarlaýǵa nazar aýdartqan Prezıdent bizde jumys qoldary emes, bilikti kadrlardyń joqtyǵyna den qoıa sóıledi. Memleket basshysy bylaı dedi: «Qazaqstandyq jumysshylar jumys ónimdiligi bir adamǵa shaqqanda 100-150 myń dollarǵa jetetin elektrovozdar men teplovozdardy eshqashan qurastyrǵan emes. Biz avtokólik shyǵaratyn memleketke aınalyp otyrmyz. Bıyldyń ózinde 190 myń avtokólik shyǵarylatyn bolady. Sol konveıerlerde adamdar basqa jalaqymen jumys isteýi tıis. Olar – biz qalyptastyryp jatqan orta tap ókilderi». Munyń barlyǵy «Qazaq­stan-2050» Strategııasynyń oryndalýy ekenin sóz etken N.Á.Nazarbaev jumys isteýdi eki eseleı túsý qajettigin basa aıtty. Sondyqtan da jastardy eńbekke baýlý qajet. Adamdar ónikti jumys istegen jerde ǵana ómir jaqsara túspek. Ońtústik Koreıada táýligine eń kóp jumys isteıtindikten, ekonomıkasy da qazirgi zamanǵa saı. Ol elde eshqandaı qazba baılyq joq bolsa da tehnologııa jóninen AQSh, Japonııa jáne ózge de eldermen ıyq teńestirip tur. Mine, osyndaı elderden úlgi alýdy alǵa tartqan Elbasy qazaqstandyqtar, sonyń ishinde jastar belsene jumys isteýi qajettigin atap kórsetti. Sóziniń sońynda Memleket basshysy bolashaqta elimizdiń álem­niń eń ozyq damyǵan memle­ketteriniń qatarynda bolýyna barlyq jaǵdaıdyń bar ekenin atap aıtty. Árıne, bul úshin el­diń birligi men turaqtylyq qajet ekenin jáne ony árbir qazaq­stan­dyq saqtaı bilýi tıistigin erekshe atady. Jarty saǵattyq úzilisten keıin Qa­zaqstan halqy Assambleıasynyń HHI sessııasyna qatysýshylar kon­­sert­tik baǵdarlamany tamasha­lady.  

SESSIIаǴA QATYSÝShYLAR LEBIZI

Naıl SALIMOV, Soltústik Qazaqstan oblystyq QHA Hatshylyǵynyń meńgerýshisi: – Men Elbasy Nursultan Nazar­baevtyń sózin yj­daǵatpen tyń­dadym. Prezıdent Qazaqstan hal­qy­nyń aldyna qalyptasqan tu­raqtylyq pen ty­nyshtyqty saqtaý úshin jeti túrli qundylyqty myz­ǵy­mastaı saqtaý kerek­tigin atap ótti. Sonyń ishinde Qa­zaqstan halqynyń birligi men toptasqandyǵy bizdiń eń basty baılyǵymyz ekenin aıtty. Elbasy turaqtylyq pen ke­lisim árbir ákimniń kún­de­lik­ti jumysynyń eń basty baǵ­dary bolýy kerektigin de atap kórsetti. Saıyp kelgende, Pre­zıdenttiń eń basty maqsaty elimizdegi ty­nysh­tyq pen turaq­ty­lyqty myzǵy­mastaı qylyp saqtaý ekendigi kórinip turdy. Assambleıa múshe­leriniń bári de osy iske qoldary­nan kelgen kómegin jasap, Pre­zıdenttiń kómekshileri bolýy kerek dep oılaımyn. Sony árbir Assambleıa múshesi túsinýge tıis. Elbasymyzdyń aldymyzǵa Qazaqstandy dúnıedegi eń úzdik damyǵan 30 eldiń qataryna qosý týraly óskeleń mindet qoıǵany belgili. Osy mindetti oryndaý úshin elimizdiń ishindegi birlikti nyǵaıta túsý kerek.   Mýhabbat TÝRDYEVA, Mahmud Qashqarı atyndaǵy Jambyl oblystyq uıǵyr etnomádenı birlestiginiń tóraıymy: Qazaqstanda ja­salǵan barlyq ıgi­lik el birliginiń arqasy. Al onyń uıytqysy – mem­lekettik sarabdal saıasatqa súıengen Qazaqstan halqy Assa