Ekologııa • 02 Maýsym, 2022

Elimizde kómirtegi beıtaraptyǵyna qol jetkizý strategııasy pysyqtalyp jatyr

53 ret kórsetildi

Memleket basshysynyń tapsyrmasyna sáıkes Qazaqstannyń 2060 jylǵa deıin kómirtegi beıtaraptyǵyna qol jetkizý týraly strategııasy pysyqtalyp jatyr. Bul týraly Ekologııa, geologııa jáne tabıǵı resýrstar mınıstri Serikqalı Brekeshev málim etti, dep habarlaıdy Egemen.kz.

«Qazir búkil álem jahandyq klımattyń ózgerý qaýpine tap bolyp otyr. Klımattyń ózgerýi energetıkany damytý salasyndaǵy álemdik saıasatqa áserin tıgizdi. Kómir salasyna ekonomıkalyq qysym kúsheıe túsýde. Álemdik iri qarjy ınstıtýttary jasyl tehnologııalardy qoldap, kómirmen baılanysty jobalardan tolyq bas tartty. Bul jańartylatyn energııa kózderi tehnologııalarynyń básekege qabilettiligin arttyryp jatyr. Jańartylatyn energııa kózi nysandaryn salý jáne paıdalanýdyń quny sońǵy 10 jylda kómirden 3 ese tómendedi», dedi Serikqalı Brekeshev elordada ótip jatqan «ECOJER» II halyqaralyq ekologııalyq kongresinde.

Mınıstrdiń aıtýynsha, elimizde jańartylatyn energııa kózderin paıdalaný aıasyn jyl saıyn keńeıtý kerek.

«Jyl sanap kómirtektik beıtarap maqsatyn ustanyp, sáıkesinshe kómirden bas tartyp jatqan elderdiń qatary artyp keledi. Bul bastamaǵa Qazaqstan da qosyldy. Bul biz úshin basty mindet. Búginde Memleket basshysynyń tapsyrmasy boıynsha 2060 jylǵa deıin kómirtegi beıtaraptyǵyna qol jetkizý strategııasy pysyqtalyp jatyr. Qaldyq tastaýdy barynsha azaıtýda Qazaqstandy jańartylatyn energııa kózderin paıdalanýdy keńeıtý, energııa tıimdiligin arttyrý jáne bıootyn men sýtekke kóshý boıynsha eleýli ózgerister kútip tur», deıdi ol.

Aıta keteıik, búgin elordada «ECOJER» II halyqaralyq ekologııalyq kongresi ótip jatyr.

 

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar