Ulttyq rámizder – ulttyq maqtanysh

Túrkistan oblysynyń Sary­aǵash aýdandyq Jastar resýrstyq ortalyǵynyń uıymdastyrýymen Memlekettik Rámizderdi ulyqtaý maqsatynda aýdanda «Ulttyq rá­miz­der – ulttyq maqtanyshymyz» at­ty taqyrypta onlaın chellendj bas­taldy. Sary­aǵash jastary bul chel­lendj arqyly el tur­ǵyn­­da­rynyń Otanymyzǵa degen mahab­batyn kórsetip, rámizder már­te­besin taǵy bir arttyrýyn qa­laıdy.

Chellendjge qatysýshylar mem­lekettik rámiz­derdi halyq ara­synda nasıhattaý aıasyn­daǵy baǵyttardy (foto, vıdeo) #Memle­kettikRámizderge30jyl heshtegin paıdalanyp, áleý­mettik jelige júkteýi qajet.

Al Saıram aýdanynda mem­­­le­kettik rámizderi­mizdiń qabyl­danýyna 30 jyl tolýyna oraı orta­lyq kitaphananyń «Qaıy­rym­dy qala» zalynda «El rámiz­deri – el rýhy» taqyrybynda ın­tellektýaldyq oıyn ótkizildi.

Intellektýaldyq oıynǵa «Oqý­­­shylar saraıynyń» ónerli ul-qyzdary men №29 K.Tilenshın atyn­daǵy jalpy orta mekteptiń daryndy oqýshylary qatysty. Is-sharanyń basty kózdegeni – óskeleń urpaqtyń boıyndaǵy pat­rıottyq sezimin, Otanǵa degen mahabbatyn oıatý. Oıyn kezinde oqýshylardy bir-birimen jarys­tyra otyryp, memlekettik rámizderge qatysty kóptegen tyń aqparat berildi.

Belsendi bolǵan oqýshylar men ónegeli is atqarǵan ustazdardy kitaphana dırektorynyń oryn­ba­sary Asylzat Ospanqyzy arnaıy alǵys hattarmen marapattady.

Sondaı-aq Saýran aýdany ákim­diginiń ishki saıasat bóliminiń «Jastar resýrstyq ortalyǵy» KMM-niń uıymdastyrýymen mem­lekettik rámizderi kúni aıasynda «Meniń týym – maqtanyshym» at­ty aksııa uıymdastyryldy.

Aksııanyń basty maqsaty ós­keleń urpaqty otandyq patrıo­tızm men joǵary azamattyq sabaq­tastyqqa úndep, qoǵamnyń rýhanı birligin nyǵaıtý bolyp tabylady. Memlekettik rámizder – elimizdiń egemendigi men táýelsizdigin álemge tanytatyn ári Qazaqstannyń ót­keni men búginin jáne bolashaǵy ara­syndaǵy sabaqtastyqtyń jar­qyn beınesi ekendigin kórsete bildi.

Aıta ketsek, 1992 jyly 4 maý­symda táýelsiz qazaq eliniń mem­lekettik rámizderi alǵash ret beki­tildi. Al 2007 jyldyń 4 maýsymy­nan bastap, qazaqstandyqtar bul kúndi memlekettik rámizder kúni retinde merekeleı bastady.

Memlekettik rámizder mem­lekettiń myzǵymas negizderiniń bir bóligi bolyp sanalady.