Ǵaryshta
Ǵaryshker Talǵat Musabaev 1994 jyly 1 shildede «Soıýz» kemesi arqyly ǵaryshqa ushqanda bas baıraǵymyzdy ózimen birge ala ketken bolatyn. Osylaısha, Memlekettik týymyz halyqaralyq ǵarysh stansasyna ornatyldy.
Antarktıdada
2011 jyly 14 jeltoqsanda Ońtústik polıýstiń ashylýyna 100 jyl tolýyna oraı, Kók Týymyz Antarktıkaǵa ornatyldy. Al 2015 jyly 14 sáýirde Soltústik polıýste jelbiredi.
Chogorı, Everest hám Monblanda
2011 jyly alpınıst Maqsut Jumaev pen Vasılıı Pıvsov álemdegi eń bıik ekinshi shyń – Chogorıge týymyzdy ornatty. Qaraqorym taý sileminde ornalasqan bul shyńnyń bıiktigi 8611 metrdi quraıtynyn, Everesten sál ǵana alasa ekenin aıta ketken jón.
2018 jyly Maqsut Jumaevtyń jankeshtiligi arqasynda «toǵyzynshy terrıtorııanyń» týy álemniń eń bıik jeri – Everest shyńynda (bıiktigi 8848 metr) jelbiredi. Osylaısha, bas baıraǵymyz bıiktigi 8 myńnan asatyn 14 shyńnyń 13-inde ornatyldy.
Kók baıraq Ohos-del-Salado výlkanynda, Batys Eýropanyń eń bıik núktesi – Monblan shyńynda (4810 metr), Pamırdegi Lenın shyńynda (7134 metr), Ońtústik Amerıkanyń eń bıik núktesi – Mak-Kınlı shyńynda (6135 metr) tigildi.
