«5 mamyr kúni referendým jarııalanǵan sátten bastap búgingi kúnge deıin Ortalyq referendým komıssııasyna jeke jáne zańdy tulǵalardan 524 ótinish kelip tústi. О́tinishter 4 arna arqyly keldi: «Qazposhta» AQ, elektrondyq úkimet portaly, Ortalyq referendým komıssııasy elektrondyq poshtasy jáne qolma-qol. Kelip túsken ótinishterdiń sıpaty kelesideı bólindi: 500 ótinish nemese 95 paıyzy mazmuny boıynsha birdeı jáne daýys berýshi tulǵalardyń tizimderin qalyptastyrý kezinde ózderiniń derbes derekterin keri qaıtaryp alý máselelerine qatysty; 9-y BAQ suraýy nemese 1,7 paıyzy referendýmdy uıymdastyrý máseleleri boıynsha aqparat berý týraly; qoǵamdyq birlestikterdiń 7 ótinishi nemese 1,4 paıyzy baıqaýshy nemese ókil retinde qatysý múmkindigi týraly suraý salýy; 8-i nemese 1,3 paıyzy basqa máseleler», dedi ol Ortalyq saılaý komıssııasynyń otyrysynda.
Onyń dereginshe, kelip túsken ótinishterdiń 15-ine belgilengen merzimde tolyq jaýap berildi. 500-i Ortalyq referendým komıssııasynyń quzyretine kirmeıtindikten zańda belgilengen tártippen jergilikti atqarýshy organdarǵa jiberildi. 9 ótinish qaralýda. Oryndalmaǵan ótinishter joq.
«Aýmaqtyq referendým komıssııalaryna 35 ótinish kelip tústi. Olardyń jartysynan kóbi nemese 23-i Almaty qalasynyń aýmaqtyq referendým komıssııasyna jáne 9-y Aqtóbe oblysynyń aýmaqtyq referendým komıssııasyna kelip tústi. Aqmola, Atyraý, Pavlodar oblystarynan - 1, Qostanaı oblysynan - 3, Soltústik Qazaqstan oblysynan – 4 jáne Shymkent qalasynan 2 ótinish bar. Negizinen bul ótinishter referendýmǵa daıyndyq tártibi men daýys berýshilerdiń tizimine qatysty. Sonymen qatar Astana, Almaty, Túrkistan, Qyzylorda, Qaraǵandy, Jambyl, Batys Qazaqstan jáne Shyǵys Qazaqstan oblystarynda birde-bir ótinish joq», dedi A.Smaǵulov.
Aıana Toǵanbek
