«Túrki akademııasynyń baıqaýshylary 9 saılaý ýchaskesinde boldy. Saǵat 7-den bastap saılaý ýchaskelerin aralaýǵa kiristik. Ári qaraı da jumysty jalǵastyra beremiz. Halyqtyń referendýmǵa degen qyzyǵýshylyǵy aıtarlyqtaı joǵary. Oǵan kýá boldyq. Saılaý ýchaskelerinen ekzıt-pol toptaryn da, baqylaý múshelerin de baıqadyq. Ortalyq Saılaý komıssııasy jáne Qazaqstannyń basqa da quzyrly organdary barlyq talaptyń múltiksiz saqtalýyn qamtamasyz etip jatyr. Sonymen qatar Halyqaralyq Túrik akademııasy gýmanıtarlyq ǵylymı yntymaqtastyq boıynsha jumys isteıdi. Túrki áleminiń ǵylymı qaýymdastyǵy Qazaqstandaǵy referendýmdy baqylap otyr.
Dál qazirgi geosaıası turaqsyzdyq jaǵdaıynda Túrki memleketteriniń birligi óte myqty bolýy kerek. О́zimizdiń baıqaý mıssııamyzdy kúni boıy jalǵastyramyz. Túrik akademııasynan 3 baqylaýshy bar. Biz bolǵan ýchaskelerde belsendilik 10-30% aralyǵynda.
Qazaqstan – bizdiń otanymyz. Ázerbaıjan úshin Qazaqstannyń oryny óte mańyzdy. Barlyq saılaý ýchaskesinde merekelik kóńil kúı seziledi. Kópshiliginen qonaqjaılylyq baıqalady. Qazaqstan halqyna rızashylyǵymyzdy bildiremiz», dedi Halyqaralyq Túrki akademııasynyń vıse-prezıdenti Fızýlı Madjıdlı.
Uıymnyń atynan kelgen baıqaýshylar saılaý ýchaskelerinen tártip buzýshylyqtardy baıqamaǵanyn aıtty. Buǵan qosa Túrki álemi Qazaqstanda bolyp jatqan jańǵyrtý prosesine úlken qyzyǵýshylyqpen qaraıtyndaryn jetkizdi.
