Atalǵan referendým ýchaskesinde Túrkistan oblysynyń ákimi О́mirzaq Shókeev te daýys berdi. Ýchaske tóraǵasy Begahmet Ábýseıtovtiń aıtýynsha, referendým zań talaptaryna saı ári joǵary deńgeıde ótip jatyr.
«Bul aýmaqqa tirkelgen saılaýshylardyń belsendiligi óte jaqsy. Eń alǵash kelip, daýys bergen azamattarǵa syı-sııapat jasaldy. Munda 2459 saılaýshy tirkelgen. Onyń kópshiligi – ýnıversıtet stýdentteri men ustazdary jáne qala turǵyndary. Ýchaskede barlyq ádistemelik qural-jabdyqtar ornatyldy. Múmkindigi shekteýli jandarǵa jaǵdaı jasalyp, arnaıy kabınalar qarastyrylǵan», deıdi B.Ábýseıtov.
Taǵy bir aıta keterligi, №133 saılaý ýchaskesinde Túrkistanda gastroldik saparmen júrgen «Astana Opera» teatrynyń ártisteri de bolyp, referendýmǵa qatysty. Ata Zańǵa engiziletin ózgeristerge óz kózqarastaryn bıýlleten arqyly bildirdi. Al Túrkistan qalasyndaǵy «Baldyrǵan» bóbekjaı-balabaqshasynda ornalasqan №880 saılaý ýchaskesinde qalanyń shetki shaǵyn aýdandarynyń turǵyndary daýys berýde. Munda 1933 saılaýshy tirkelgen.
О́ńirdegi 914 saılaý ýchaskesinde 6500 baqylaýshy referendýmnyń ádil ótýin baqylap otyr.
