«Konstıtýsııalyq referendýmdy baqylaýǵa kelgen Ujymdyq qaýipsizdik týraly shart uıymynyń Parlamenttik Assammbleıasynyń ókilderi eki topqa bólinip, negizgi bóligi Nur-Sultan qalasynda jumys istep jatyr. Sol sııaqty Almaty qalasynda da uıym ókili halyqarylyq mıssııasyn atqaryp jatqanyn aıta keteıik.
Tańerteń bizdiń top «Astana Opera» teatrynda ornalasqan saılaý ýchaskesine kelip, ózderine júktelgen mindetti atqarýǵa kiristi. Birden baıqalǵany, referendýmnyń uıymdastyrylý deńgeıi óte joǵary. Halyqtyń memleketshildik ustanymyn kórdik. Iаǵnı, qazaqstandyqtardyń saıası proseske qatysýy óte belsendi.
Kúnniń alǵashqy bóliginde egde jastaǵy azamattardyń kóp kelgeni baıqaldy. Dese de saǵat 11:00-den keıin jastardyń qarasy birtindep kóbeıdi.
Saılaý ýchaskelerin aralaý barysynda osy prosestiń joǵary deńgeıde ótýine tájirıbeli mamandar tartylǵanyna kýá boldyq.
Uıymnyń atynan aıtqymyz keletini, biz 10-ǵa jýyq saılaý ýchaskesin aralap, qandaı da bir normalar men erejelerdiń buzylǵanyn baıqaǵan joqpyz. Daýys berý prosesi barlyq talapqa sáıkes ótkizilip jatyr», dedi halyqaralyq uıymnyń atynan kelgen toptyń úılestirýshisi Barot Barotzoda
