Dál qazirgi ýaqytta elimizdiń 12 óńirindegi 8 089 referendým ýchaskesi jumysyn aıaqtap, aýmaqtyq referendým komıssııasynyń músheleri daýys sanaýǵa kiristi.
Sonymen qatar 10 shet memlekettegi Qazaqstan elshilikteri janynan ashylǵan 17 ýchaskede daýys berý aıaqtalyp otyr. Saǵat aıyrmashylyǵyna baılanysty elimizdiń 5 óńirinde, atap aıtqanda Qyzylorda, Aqtóbe, Atyraý, Mańǵystaý jáne Batys Qazaqstan oblystaryndaǵy 1 858 ýchaskede daýys berý astana ýaqytymen saǵat 21.00-de aıaqtalady.
Al sheteldegi 48 ýchaskede saǵat aıyrmashylyǵyna baılanysty daýys berý áli júrip jatyr. Jalpy respýblıka boıynsha 10 012 referendým ýchaskesi qurylǵan. Onyń ishinde 52 shet memlekettegi 65 ýchaske bar.
Aıta keteıik, astana ýaqytymen saǵat 18.00-degi derekterge sáıkes, respýblıka boıynsha 7 624 641 azamat bıýlleten aldy. Bul - tizimge engen azamattardyń 65,04 paıyzy.
