«Ortalyq referendým komısssııasy astana ýaqytymen saǵat 22.00-de elimizdiń barlyq óńirinde jáne 25 sheteldik ýchaskede daýys berý aıaqtalǵanyn habarlaıdy. Qazaqstan Respýblıkasynyń shet memleketterdegi ókildikteriniń janyndaǵy 40 ýchaskede daýys berý áli de jalǵasyp jatyr. Oblystardyń, respýblıkalyq mańyzy bar qalalardyń jáne astananyń aýmaqtyq komıssııalary usynǵan aldyn ala derekteri boıynsha azamattardyń referendýmǵa qatysý statıstıkasy mynadaı boldy: Aqmola oblysy – 73,81, Aqtóbe oblysy – 58,06, Almaty oblysy – 72,83, Atyraý oblysy – 67,68, Batys Qazaqstan oblysy – 69,37, Jambyl oblysy – 69,59, Qaraǵandy oblysy – 77,39, Qostanaı oblysy – 72,28, Qyzylorda oblysy – 79,89, Mańǵystaý oblysy – 61,19, Pavlodar oblysy – 75,53, Soltústik Qazaqstan oblysy – 75,49, Túrkistan oblysy – 80,66, Shyǵys Qazaqstan oblysy – 77,49, Nur-Sultan qalasy – 57,06, Almaty qalasy – 33,30, Shymkent qalasy – 72,53 paıyz», dedi Muhtar Erman.
Onyń aıtýynsha, elimiz boıynsha referendýmǵa qatysý múmkindigi jáne quqyǵy bar azamattardyń tizimine 11 734 6429 adam engizildi. 8 030 739 azamat bıýlleten aldy. Bul daýys berýge arnalǵan tizimge engizilgen azamattardyń 68,44 paıyzyn quraıdy
«Referendým komıssııalary daýystardy sanaýǵa kiristi. Erteń aýmaqtyq komıssııalar hattamalarynyń elektrondy túrde túsýin kútemiz. Daýys berýdiń aldyn ala qorytyndylary brıfıngte usynylady. Onyń ýaqyty qosymsha jarııalanady», dedi Ortalyq referendým komıssııasynyń hatshysy.
