24 jastaǵy amerıkalyq sportshy óziniń sońǵy jeti kezdesýiniń barlyǵyn óz paıdasyna sheshken edi. Barlyǵy 12 kezdesý ótkizip, 10 ret basymdyq tanytty. 33 jastaǵy Jalǵas Jumaǵulovtyń júrip ótken joly qazaq jankúıerleriniń kóz aldynda. Kezinde túrli promoýshenderdiń chempıondyq belbeýin ıelengen Aqtóbeniń óreni UFC-de tabysty óner kórsete almaı júr. Olaı deýge negiz, buǵan deıingi tórt básekeniń úsheýinde ol jeńilis tapty. Bul joly jeńis oǵan aýadaı qajet edi. Sol sebepti de Jumaǵulov Djeff Molınamen úsh raýnd boıy aıanbaı aıqasty. Tipten keıbir tustarda basymdyq kórsetti. Biraq aıqas aıaqtalǵan bette tóreshiler AQSh sportshysynyń jeńiske jetkenin jarııa etti.
Keshe qazaqstandyq Arlan MMA Pro Team klýby sapynda óner kórsetetin ıngýshetııalyq Musa Evloev ta UFC-tegi óziniń kezekti jekpe-jegin ótkizip, tóreshilerdiń sheshimimen amerıkalyq Den Igeni utty.
