Mereke kórki – kólikter sherýi

Mem­lekettik rámizder táýel­siz­dik nyshany retinde erekshe qadirlenip, olarǵa bıik mártebe beriledi. Sondyqtan respýblıka azamattarynyń memlekettik rámizderdi qasterleýi – paryz. 

«Bıylǵy kólikter sherýi Tu­ran dańǵyly, «Qazaqstandyq kún» monýmentinen bastaý alyp, Táýelsizdik dańǵyly, «Qazaq eli» monýmentiniń alańyna de­ıin jalǵasty. Kólikter sherýi qala­myz­da 2017 jyldan beri dástúrli túrde uıymdastyrylyp keledi. Atalǵan is-shara qalamyzdyń tur­ǵyndary men qonaqtaryn ataýly merekemen erekshe quttyqtaýǵa múmkindik beredi», dedi «Astana jastary» jastar resýrstyq or­ta­lyǵynyń jetekshisi Shyńǵys Tileýlın.

Uıymdastyrýshylardyń piki­rin­she, is-sharanyń basty maqsaty – qazaqstandyq patrıo­tızmdi nasıhattaý, jas urpaqty táýelsizdik nyshandaryna qurmetpen qaraýǵa tárbıeleý.

«Memlekettik baıraqpen jabdyqtalǵan 30-ǵa jýyq je­ńil kólik qala kóshelerimen júrip ótti. Rámizder kúni – hal­qy­myz úshin asa qasterli meı­ram­dardyń biri. Osyǵan oraı dástúrli avto­kó­likter sherýin uıym­das­ty­rýdyń máni zor. Kólikter kók baıraqpen bezendirilip, sherý adamdar tyǵyz ornalasqan qala­nyń oń jaǵalaýyn qamtydy. Qala turǵyndary men jastardyń patrıottyq sezimin kúsheıtip, mere­kelik kóńil kúı syılaý – biz­diń basty maqsatymyz. О́tken jyly elordanyń sol ja­ǵa­­­laýyna avtosherý jasasaq, bıyl oń jaǵalaýdy tańdap otyr­­­myz. Taǵy bir maqsatymyz – qa­­­la­myz­da Astana avtoklýbtar odaǵy bar ekenin kórsetý. Atal­­­ǵan klýbtar elordamyzda ótetin ár­túr­li merekege belsendi qa­ty­syp, ózderiniń qolushyn sozady. Barlyq qatysýshyǵa alǵysymyzdy bildirip, sáttilik tileımiz», dedi «Astana jastary» jastar resýrstyq ortalyǵynyń mamany Amangeldi Oljas.

Avtoklýb músheleri de rámiz­der kúniniń mańyzy joǵary eke­nin aıtyp, jyl saıyn uıym­das­tyrylyp kele jatqan kólikter sherýi aýqymdy is-sharalardyń biri ekenin jetkizdi.

«Nur-Sultan qalasynyń Jas­tar saıasaty máseleleri basqar­ma­sy jyl saıyn dástúrli túrde rámizder kúnine oraı ótkizetin kólikter sherýine Astana avtoklýbtar odaǵy turaqty túrde qa­ty­syp keledi. Kólikterimizde kók Týymyz jelbirep tursa, ol qala tur­ǵyndary men qonaqtaryna merekelik kóńil kúı syılap qana qoımaı, olardyń patrıottyq se­zi­min oıatyp, elimizdiń negizgi nyshandary sanalatyn rámizderine degen qurmetin arttyratyny anyq. Búginde atalǵan sherý óz jalǵasyn tapty. Bizdiń kólikter Turan dań­ǵy­lynan bastap, qalanyń oń ja­ǵa­laýyna qaraı 20 shaqyrymnan asa jol júredi. Kóligimizdegi kók baıraqtar kórikti qalamyzdyń sánin odan saıyn arttyra túsedi», dedi Skoda club Astana ókili.

Kók Týymyzdy jelbiretip kóshe boılaı júrgen kólikter kór­gen jannyń kóńiline maq­tanysh sezimin uıalatatyny sózsiz.

«Elimizdiń Eltańbasy, kók Týy, Ánurany osydan týra 30 jyl buryn bekitilip, qabyldanǵan bolatyn. Búginde, mine, táýelsiz Qazaqstannyń urpaǵy baıraqty bıik ustap, Ánurandy asqaqtata shyrqap, aıtýly merekeni atap ótýde. Biz de elordamyzdaǵy eleýli is-sharanyń kýágeri bolǵanymyzǵa qýanyshtymyz. Kólikterdegi jel­bi­regen kók baıraqtar kózdiń jaýyn alady. Boıymyzdy erekshe sezim bılep, bolashaqqa degen senimimizdi arttyrǵandaı aı­ryqsha qýat beredi. О́zimniń, otba­symnyń asyǵa kútetin me­reıli merekeleriniń biri – osy rá­mizder kúni. Jyl ótken sa­ıyn memlekettik naqyshtarǵa degen qurmetimiz arta túskendeı. Oǵan sebep, osyndaı patrıottyq ba­ǵyt­taǵy is-sharalardyń arta tús­keni der edim. Keler jyly da ke­remet kólikter sherýiniń kýá­ge­ri bolatynymyz anyq», dedi qala qonaǵy, atyraýlyq Raýshan О́teǵalı.