Eýropa qurlyǵynda sońǵy joldamany (13-shi) sarapqa salǵan Ýels pen Ýkraına quramalary Kardıffıte kezdesip, alań ıeleri Andreı Iаrmolenkonyń avtogoly arqasynda 64 jyldan keıin alǵash ret álem chempıonatynyń fınaldyq kezeńine joldama aldy. 33 myń jankúıer syıatyn Cardiff City stadıonynda ótken kezdesýdiń 34-mınýtynda Garet Beıldiń aıyp alańyna asyrǵan dobyn qaıtarýǵa tyrysqan Andreı Iаrmolenko abaısyzda óz qaqpasyna baspen gol soǵyp aldy – 1:0.
Osylaısha, Eýropa qurlyǵynyń 13-shi joldamasyna qol jetkizgen Ýels Qatarda ótetin álem chempıonatynda Anglııa, AQSh jáne Iran quramalarymen birge V tobynda baq synaıtyn boldy. Ýels quramasy osymen óz tarıhynda ekinshi márte jahandyq dodada óner kórsetý qurmetine ıe boldy. Alǵash ret olar 1958 jyly Shvesııada ótken ala dop alamanyna qatysyp, shırek fınalǵa deıin jetken edi.
