Atalǵan dodada Nurqanat Serikbaevtyń asqan sheberligine tánti boldyq. Asa jeńil salmaqta saıysqa túsken ol barlyq qarsylasynyń aıaǵyn kókten keltirdi. Tipten aqtyq synda da Nurqanat óz qarsylasyna bas kótertken joq. 66 kılo salmaqtaǵy Nursultan Zaızaǵalıevtiń de qarqynyna eshkim tótep bere almady. Qarsy kelgenderdi alyp ta, shalyp ta jyqqan ol altyn tuǵyrdan qol bulǵady. Mereı Marhanbetov (60 kılo) pen Aıda Toıshybekovanyń (+78 kılo) da dál sol mejeden kórinýge jaqsy múmkindikteri boldy. Alaıda fınalda olar ese jiberip, kúmis medaldy qanaǵat tutty. Al Esmıgúl Kýıýlova (63 kılo) men Maksım Meıirlan (81 kılo) qola medalǵa qol sozdy.
Osylaısha, elimizdiń jas dzıýdoshylary qatarynan ekinshi halyqaralyq týrnırden oljaly oraldy. Osynyń aldynda ǵana olar Ispanııanyń Malaga qalasynda ótken jarystan úsh júldemen oralǵan edi.
