«Bul másele boıynsha Memleket basshysynyń tutastaı tózimsizdik tanytý kerektigi týraly tapsyrmasy bar ekenin kórip otyrsyzdar. Búkil memlekettik organdar, sonyń ishinde Qorǵanys mınıstrligi ol úshin qajetti sharalardyń bárin qabyldaıdy dep oılaımyn. Sizben kelisemin, ólimmen aıaqtalǵan jaǵdaılar bar. Mundaı sátter tyńǵylyqty zerttelip, tıisti baǵa berilýi kerek», dedi vıse-premer.
Onyń paıymynsha, Qazaqstan armııasynyń kelisimshartpen qyzmet isteıtin sarbazdardyń sanyn kóbeıtýge áleýeti jetedi.
«Ortasha alsaq, jyl saıyn biz 35 myń adamdy áskerı qyzmetke jiberemiz. Bul menińshe kelisimshart boıynsha áskerı qyzmetke tartý máselesin joqqa shyǵarmaıdy dep oılaımyz. Eger Qazaqstan armııasy kelisimshart boıynsha áskerı qyzmetke tartylǵandardyń sanyn kótermekshi bolsa, bul baǵytta ózin qamtamasyz ete alady. Vedomstvo qazirdiń ózinde tıisti sheshim qabyldap jatyr. Áskerge shuǵyl shaqyrý júıesinen tolyqtaı bas tartý durys emes dep esepteımin. Jastar áskerı qyzmette bolýy kerek. Al memlekettik organdardyń oǵan múddeli bolýy basqa másele. Birinshi kezekte Qorǵanys mınıstrligi áskerı boryshyn óteýshilerdiń qajetti qaýipsizdigin qamtamasyz etýi qajet», dedi Eraly Toǵjanov.
Eske sala keteıik, 4 maýsym kúni Mańǵystaý oblysynda shekara qyzmetinde áskerı boryshyn ótep júrgen sarbaz óz-ózine qol salǵany habarlanǵan bolatyn.
