«Qazir bul sheshimdi óte tıimdi júzege asyrý mindeti tur, óıtkeni bilim men ǵylym júıesiniń tıimdiligi eń basty dúnıe. Biz qajetti jumystardy atqaramyz», dedi mınıstr.
Onyń aıtýynsha, mınıstrlikti bólý týraly sheshim qazirdiń ózinde qabyldanǵan.
«Sheshimdi bárińiz estidińizder. Sheshim bar, aıtyldy, tıisti túrde qabyldandy. Endi osy sheshimniń oryndalýyn oılastyrý kerek. Bilim berý júıesi osydan paıda kórýi kerek. Sondyqtan qazir jumys isteımiz jáne jumys istep jatyrmyz.
Tıisti sheshimdi kim qabyldaıtynyn naqty retteıtin zańnama bar. Bul rette Úkimet deńgeıinde jáne el basshylyǵy deńgeıinde mınıstrlikterdi qurýdyń qurylymy, naqty jobasy týraly sheshim qabyldanady. Sondyqtan tıisti deńgeıde sheshim qabyldanyp, munyń bári odan ári jurtshylyq nazaryna jetkiziledi dep oılaımyn», dedi A.Aımaǵambetov.
Aıta keteıik, Prezıdent 1 maýsym kúni Almatydaǵy Ulttyq ǵylym akademııasynyń 75 jyldyǵyna arnalǵan sessııada Bilim jáne ǵylym mınıstrligin eki vedomstvoǵa bólýdi usynǵan bolatyn.
