«Memleket basshysynyń ókimimen Qaırat Yrzaqululy Nurtaı Qazaqstan Respýblıkasy Prezıdentiniń «Baıqońyr» keshenindegi arnaýly ókili laýazymyna taǵaıyndaldy», delingen jarlyqta.
Nurtaı Qaırat Yrzaqululy 1982 jyly Qyzylorda oblysy Qarmaqshy aýdanynda dúnıege kelgen.
2004 jyly Qanysh Satpaev atyndaǵy Qazaq ulttyq tehnıkalyq ýnıversıtetin ınjener-mehanık, 2006 jyly Dinmuhamed Qonaev atyndaǵy ýnıversıtetin zańtaný mamandyqtaryn támámdap, 2019 jyly Reseı Federasııasy Prezıdentiniń janyndaǵy Reseı halyq sharýashylyǵy jáne memlekettik qyzmet akademııasyn bitirip Memlekettik jáne mýnısıpaldyq basqarý magıstri ǵylymı dárejesin alǵan.
Eńbek jolyn 2004 jyly QR Memlekettik qyzmet isteri agenttiginiń memlekettik qyzmetti kadrlyq qamtamasyz etý departamentiniń jetekshi mamany retinde bastaǵan.
