Atalǵan jarysta Qazaqstannyń namysyn bes sportshy qorǵaıdy. Olar – Mılad Karımı, Narıman Qurbanov, Ilııas Ázızov, Farýh Nabıev jáne Dmıtrıı Patanın. Osy bestiktiń arasyndaǵy eń úzdigi Karımı ekeni sózsiz. Ol 2017-2019 jyldary ótken Azııa chempıonatynda júldegerler sanatynan kórinip, Dúnıejúzilik ýnıversıadada kúmispen kúpteldi. Qurbanov ta Neapoldaǵy stýdentterdiń basty dodasynda ekinshi orynǵa taban tiredi. Mılad pen Narıman Álem kýbogynyń kezeńdik saıystarynda da eleýli tabystarǵa qol jetkizip júrgeni málim. Sondaı-aq Ázızov, Nabıev jáne Patanındi de osal dep aıta almaımyz. Olar da birqatar halyqaralyq jarysta jeńis tuǵyryna kóterilgen.
Osy jarystyń qorytyndysy boıynsha bıylǵy jyldyń 28 qazan men 6 qarasha aralyǵynda Anglııanyń Lıverpýl qalasynda ótetin álem chempıonatynda óner kórsetetin gımnasshylar anyqtalady.
