«Birinshi kezekte jastar óz ómirin ne sebepti qıyp jatqanyn túsiný kerek. Buǵan tek ásker ǵana kináli emes. Áskerge kelgen jigittiń ómiri úshin jaýapkershilik komandırge júkteledi. Degenmen olar áskerge azamattyq qoǵamnan keledi jáne bul jastardyń ózderiniń problemalary da bolady. Áskerdiń maqsaty – bizge aqyl-oıy jetilip kelgen adamnyń problemalaryn sheshýge járdem jasaý», dedi Rýslan Jaqsylyqov Májiliste tilshiler saýalyna jaýap bere otyryp.
Sonymen qatar mınıstr qazirgi kezde Memleket basshysynyń tapsyrmasy boıynsha jaýyngerlik daıarlyqtyń baǵdarlamasy tolyqtaı qaıta qaralǵanyn atap ótti.
«Barlyq sarbazdyń kásibı ári sapa deńgeıin kóterý maqsatynda tıisti jumystar júrgizilip jatyr. Qazir tıisti eksperımentter eskerilgen. Munymen qosa, jaýyngerlik daıarlyq baǵdarlamalary aıasyndaǵy jumystardyń qarqynyn kúsheıtý maqsatyn qoıdym», dedi vedomstvo basshysy.
Budan buryn habarlanǵandaı, jaqynda Mańǵystaý oblysynda shekara qyzmetinde áskerı boryshyn ótep júrgen sarbaz óz-ózine qol salǵan edi.
Aıta keteıik, Prezıdent armııada ólim-jitimniń jıileýine baılanysty komıssııa qurýdy tapsyrdy.
