Eltańba avtoryna degen qurmet

Konferensııa jumysyn tarıh ǵy­lym­­darynyń doktory, M.Qozybaev atyn­daǵy SQÝ professory Aqmaral Ybyraeva ashyp, júrgizip otyrdy. Qur­metti qonaqtar qatarynda qazaqtyń Tuńǵysh ǵaryshkeri, Keńes Odaǵynyń Batyry jáne Halyq Qaharmany Toqtar Áýbákirov, Qazaqstannyń eńbek sińirgen sáýletshisi Serik Rústembekov, «Dúnıe júzi túrki halyqtarynyń kon­gr­esi» qoǵamdyq birlestiginiń pre­zı­denti Arman Aqmuqanov, L.N.Gý­mı­lev atyndaǵy Eýrazııa UÝ profes­so­ry Serik Negımov, Shot-Aman Ýá­lı­ha­nov­tyń qyzy Baıan Ýálıhanova jáne t.b. boldy.

Alǵashqy sóz oblys ákiminiń orynbasary Ǵanı Nyǵymetovke berilip, ol oblys ákimi Qumar Aqsaqalovtyń quttyqtaý sózin oqyp berdi. «О́mirden ozǵanyna bir jyldan asqan ataqty jerlesimiz Shota-Aman Ýálıhanov artyna óshpes iz qaldyrǵan jan. Biz ony tamasha arhıtektor, belsendi qoǵam qaıratkeri, Eltańbamyzdyń avtory retinde árqashan maqtan etip, qurmet tutamyz» delingen quttyqtaýda.

Osydan keıin sóz Toqtar Áýbáki­rov­ke berildi. Ol óziniń Shota-Aman Ýálıhanovpen alǵash tanysqan sátinen qyzyqty estelik aıtyp berdi. «1991 jyldyń qazan aıynda «Soıýz TM-13» kemesimen ǵaryshqa usharda bir top qazaqstandyq Baıqońyrǵa kelip, bizdi shyǵaryp saldy. Sonyń ishinde Shota-Aman Ýálıhanov aǵamyz da bol­ǵan edi. Ol maǵan Qazaqstannyń bo­­lashaq Eltańbasynyń sýretin kór­se­tip, óziniń osy jobamen uzaq jyldar boıy aınalysyp júrgenin, endi sony ózimmen birge ǵaryshqa aparyp kelýdi ótinetinin jetkizdi. Gerbtiń jobasy qatty unaǵany sondaı, men ony ózi­miz­diń basshylarymyzǵa kórsetip, qazaq ekıpajynyń sımvoly qylýdy usyndym. Olar qarsy bolmady. Sóıtip, Gerbtiń jobasyn ǵaryshqa shy­ǵaryp kelgen edim. Kelgen soń jobany Shota-Aman aǵamyzdyń qolyna tapsyrdym. Keshikpeı Eltańbany tańdaǵan kon­kýrsta osy joba jeńip shyǵyp, Qa­zaq­stannyń rámizine aınaldy. Shota-Aman aǵamyz onyń ǵaryshqa shyǵyp kelgenin árqashan qýanyshpen aıtyp, «onyń jolyn sen ashtyń» dep maǵan rızashylyǵyn bildirip otyratyn. Ol óz halqynyń naǵyz aınymas patrıoty edi», dedi ol.

Qazaqstan Sáýletshiler odaǵynyń tóraǵasy Serik Rústembekov, Sol­tús­tik Qazaqstan Memlekettik arhı­viniń dı­rek­tory Sáýle Málikova, sondaı-aq Arman Aq­mu­qanov, Baıan Ýá­lıhanovalar da tamasha es­te­lik­ter aıtty. Al Serik Negımov «Sh.Ýálıhanovtyń ǵumyr­na­masy men­ ǵy­lymı kózqarasy», KAZGOR jo­ba­laý akademııasynyń pre­zıdenti Aıdar Tá­ti­ǵulov «Sh.Ýá­lı­ha­novtyń KAZGOR-men shyǵarmashylyq baılanysy», osy uıymnyń bas sáýletshisi Toqtar Eralıev Sh.Ýálıhanov týraly este­lik­ter, Ál-Farabı atyndaǵy Qazaq ulttyq ýnıversıtetiniń professo­ry Mu­hambetqalı Búrkitbaev «Sh.Ýá­lı­hanov ómiriniń ónegeleri», Ál-Fa­rabı atyndaǵy Qazaq UÝ professory Gúlnár Muqanova «Sh.Ýálıhanov shyǵar­mashylyǵyndaǵy ulttyq jádi­ger­­lerdi jasaýshynyń stıli» degen ta­qyryptarda baıandamalar jasady. Barlyq baıandama jınalǵan qa­ýym­nyń qyzyǵýshylyǵyn týdyryp, Shota-Aman Ýálıhanovtyń ómiri men shy­­ǵarmashylyǵynyń Qazaqstan rámiz­de­rin jasaýǵa qosqan úlesterin aıqyn pash etti.

Konferensııanyń sońynan «Shot-Aman Ýálıhanovtyń shyǵarmashylyq murasy» atty jeti tomdyq jınaqtyń tusa­ýy kesildi. Sonymen birge Sol­tús­tik Qa­zaqstan óńiriniń ónegeli tabys­taryna únemi ún qosyp júretin jáne rámizder týraly birneshe ta­nymdyq maqalalar jazǵan professor Serik Negımovke «Sol­tústik Qa­zaq­stan­nyń Qur­met­ti azamaty» ataǵy be­rildi.