Tusaýkeser kezdesýin jerlesimiz Denıs Kýdlaǵa qarsy ótkizdi. Ýkraınada týyp-ósip, keıinnen AQSh-qa qonys aýdarǵan 29 jastaǵy oıynshy bul kúnderi álemdik reıtıngte 77-orynda. О́te shıelenisti ótken bul báseke 7:6, 7:5 esebimen Býblıktiń paıdasyna sheshildi. Endi ekinshi kezeńde qazaqstandyq tennısshini óte aýyr synaq kútip tur. Ol ulybrıtanııalyq Endı Marreımen kúsh synasady. 35 jastaǵy Tumandy Albıon eliniń ókili kezinde Aýstralııanyń ashyq birinshiligin – bes, Ýımbldondy – eki jáne AQSh-tyń ashyq birinshiligin bir ret utyp, álemniń birinshi raketkasy atanǵan. Odan bólek Marreı ATR dodalarynda 46 márte jeńis toıyn toılady. Qazirgi kezde úzdikter tiziminde 68-orynda turǵan ol alǵashqy aınalymda aýstralııalyq Krıstofer O’Konneldi 6:4, 6:3 esebimen qapy qaldyrdy.
Al Nıderlandtyń Hertogenbos qalasyndaǵy WTA týrnırin Elena Rybakına sátti bastady. Ol eki settik saıysta amerıkalyq Djeımı Lobtan aılasyn asyrdy. Esep – 6:4, 7:5. Ekinshi kezeńde otandasymyz AQSh-tyń taǵy bir ókili Shelbı Rodjerspen sheberlik baıqasady.
