Alǵashqy kúni jerlesterimizdiń joly bolmady. Qytaı Taıbeıimen kezdesýde birinshi setti óz paıdasyna sheshken olar qalǵan úsheýinde ese jiberdi – 25:21, 21:25, 19:25, 18:25. Kelesi oıyndy Fılıppınmen ótkizdi. Bul básekede basymdyq bizdiń qyzdar jaǵynda boldy – 26:24, 25:19, 25:15. Odan keıin Úndistanmen sheberlik baıqasty. Úndilikter bizdiń voleıbolshylarymyzǵa laıyqty qarsylyq kórsete almady – 20:25, 25:20, 25:11, 25:14. Aldaǵy kúnderi qazaqstandyqtardy eki birdeı asa aýyr kezdesý kútip tur. Atap aıtsaq, búgin Japonııamen, al erteń Qytaımen kúsh synasady. Eger jerlesterimiz osy kezdesýlerdiń birinde jeńiske jetse, júldeli oryndar úshin talasý múmkindigin saqtap qalady.
Kelesi topta Iran, Aýstralııa, Taıland, Ońtústik Koreıa, О́zbekstan quramalary ózara tartysqa túsýde. Osy komandalar arasynan ázirge alań ıeleri men Parsy eli ókilderiniń qarqyny kúshti.
