Bir jylda ýnıversıtet Top-200 ishinde 25 pozısııaǵa joǵarylap, 175-orynnan 150-orynǵa kóterildi.
Álemniń úzdik ýnıversıtetterimen bir qatarǵa ornalasqan Ál-Farabı atyndaǵy QazUÝ Qazaqstannyń joǵary oqý oryndary arasynda ǵana emes, Ortalyq Azııa men TMD elderinde óziniń kóshbasshylyq pozısııasyn dáleldedi.
QazUÝ-dyń úlken jetistikterge qol jetkizýi álemdik deńgeıdegi zertteý ýnıversıtetine transformasııalaný jumystarynyń nátıjesi bolyp tabylady.
QazUÝ-dyń jańa tabysy – iskerlik basshylyqtyń, oqytýshylar, ǵalymdar men bilim alýshylardyń qarqyndy jumysynyń jemisi.
Bul ýnıversıtettiń jahandyq básekege qabilettiliginiń jáne halyqaralyq bilim, ǵylym keńistigindegi tanymaldylyǵynyń aıqyn kórsetkishi.
Quacquarelli Symonds World University Rankings (QS WUR) halyqaralyq reıtınginiń resmı nátıjeleri 2022 jyldyń 8 maýsymynda jarııalandy.
Bul reıtıngke dúnıejúziniń 2462 joǵary oqý orny qatysty, onyń ishinde tek 1422 JOO ǵana tıisti dárejelerge ıe boldy.
QS WUR álemniń úzdik ýnıversıtetteriniń reıtıngi 2004 jyldan bastap jarııalanyp keledi.
QS WUR reıtınginde álemniń úzdik ýnıversıtetterin baǵalaý alty krıterıı negizinde júrgiziledi:
Akademııalyq bedel – 40 paıyz;
Jumys berýshiler arasyndaǵy bedel – 10 paıyz;
Oqytýshylar quramynyń stýdentter sanyna araqatynasy – 20 paıyz;
Dáıeksózder ındeksi – 20 paıyz;
Sheteldik oqytýshylardyń úlesi – 5 paıyz;
Sheteldik stýdentterdiń úlesi – 5 paıyz.
