Kerekýdegi kókpar

Kókpar básekesine 6 komanda qa­tysty. Bul jolǵy dodaǵa óńirdegi at sporty jaqsy damyǵan Maı, Aqtoǵaı aýdandary men Ekibastuz qalasynan bólek, Aqqýly aýdany men Aqsý qa­lasy da sportshylaryn úkilep qos­qan eken.

– Maqsatymyz – óńirdegi ulttyq oıyndardyń damýyna úles qosý. Aımaqta at sportyna qyzyǵatyn jas­tar kóp. Olardy yntalandyrý úshin osyndaı jarystar ótkizgen durys dep oılaımyn. Sol sebepti osymen ekinshi jyl qatarynan kókpar básekesin uıym­dastyrdyq, – deıdi Pavlodar qalalyq «Aqmeshit» meshitiniń bas ımamy Ábilqaıyr Qylyshev.

Taqymdy jigitterdiń dodasy tartys­ty ótti. Buǵan deıingi jarystardaǵy negizgi báseke Maı, Aqtoǵaı jáne Eki­bas­tuz kókparshylarynyń arasynda ótetin. Bul joly aqqýlylyq jáne aqsýlyq sportshylardyń da tájirıbeli qarsylastarǵa tótep berer qarqynǵa ıe ekenin baıqadyq.

Jarys qorytyndysy boıynsha birinshi oryndy Maı aýdany­nyń kókparshylary ıelendi. Olar fınal­da aqsýlyq kókparshylardan aıl­asyn asyrdy. Úshinshi oryn ekibastuz­dyq­tarǵa buıyrdy. Olar Aqqýly aýda­nynyń sportshylaryn qapyda qaldyrdy.

Doda barysynda erekshe kózge túsken aqtoǵaılyq Serikbolsyn Qazyken, Maı aýdanynyń ókili Aspandııar Qaırolla syndy jigitter kópshiliktiń qoshemetine ıe boldy.

PAVLODAR