Ekologııa • 10 Maýsym, 2022

Kıik sanyn retteýge arnalǵan buıryq jobasy pysyqtalady

52 ret kórsetildi

QR EGTRM Orman sharýashylyǵy jáne janýarlar dúnıesi komıtetiniń normatıvtik quqyqtyq aktileriniń ashyq derekter portalynda kıik derıvatyn jınaýǵa buıryq jobasyn pysyqtaý úshin qaıtaryp aldy, dep habarlaıdy Egemen.kz.

Ekologııa mınıstrliginiń málimetinshe, janýarlar dúnıesin memlekettik qorǵaýdy uıymdastyrý, naqtylap aıtsaq, kıikterdi paıdalanýdy 2023 jylǵa deıin tyıym salýdyń nátıjesinde olardyń jyl saıynǵy orta sany 40%-ǵa artyp otyrdy.

«2017 jylǵy esep boıynsha kıik basy 152 myń bolsa, 2022 jyly olardyń sany 1,3 mıllıonǵa jetti. Degenmen, bul janýarlardyń respýblıka boıynsha ońtaıly sany 560-770 myń bolýy kerek eken. Ásirese Batys Qazaqstan oblysyna erekshe nazar aýdarý qajet – onda kıikterdiń sany 801 myń basty quraıdy. Bul óńirde jaıylymdar men sýattar úshin aýyl sharýashylyǵy janýarlary men kıikterdiń básekelestigi arta túsken. Sonymen qatar, kıikter Bastys Qazaqstan, Aqmola jáne Qaraǵandy oblystarynda egistikterge de zııan keltirýde», delingen komıtet habarlamasynda.

Búginde 2015 jylǵy pasterellıoz indetiniń qaıtalaný qaýpi bar. Sol jyly 150 myń kıik (búkil popýlıasııanyń 80%) qyrylyp qalǵan bolatyn.

«Qazirgi ýaqytta kıikterdiń sanyn basqarý maqsatynda, ǵylymı bıologııalyq negizdeme ázirlenýde. Onyń qorytyndysy boıynsha kıikterdiń sanyn retteý máselesi boıynsha sheshim qabyldanady», delingen habarlamada.

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar