Sıfrly óndiris – ozyq óndiris

Forým jumysyna Ener­getıka vıse-mınıstri Janat Jahmetova qatysyp, Qazaqstan Úkimeti tarapynan energetıka salasyn sıfrlandyrýǵa já­ne qazaqstandyq qamtýdy damytýǵa erekshe nazar aýdarylyp otyrǵanyn jetkizdi. Ol óz sózinde TShO-nyń sıfr­landyrýǵa degen syndarly kózqarasynyń tabysty bolýy IT mamandary jumysynyń bıznes-mindetterdi sheshýge baǵyttalýynda bolyp otyrǵa­nyn, bul forým otandyq IT kompanııalar men jer qoı­naýyn paıdalanýshylardyń ara­syndaǵy yntymaqtastyqty jolǵa qoıýǵa septigin tıgizetinine úmittenetinin jetkizdi.

Kompanııa mamandary forým qatysýshylaryna Teńiz ken ornynda sátti engizilgen ınnovasııalyq tehnologııalar týraly aıtyp berdi. Máselen, TShO-nyń barlyq av­tokólik parki kólik qaýip­sizdigi ıntellektýaldy júıe­simen qamtylǵan. Ol dybys­tyq sıgnal berý arqyly júr­gizýshiniń sharshaý deńgeıin ba­qylaýǵa múmkindik beredi. Bul óz kezeginde jazataıym oqıǵalardy azaıtýǵa jáne qyzmetkerler qaýip­sizdigin qamtamasyz etýge yqpal etedi.

2020 jyly Keshendi tehnologııalar jelide (KTJ) vır­­týaldy zaýyt (Virtual Plant) sheshimi kómegimen naq­ty ýaqyt rejiminde búkil zaýyttaǵy baqylaý-ólsheý jab­dyqtarynynyń derekteri biriktirildi. Nátıjesinde, suıy­tylǵan kómirsýtekti gaz (SKG) óndirisi kólemi ulǵaıtyldy. Sıfrly tehnologııalardy qoldaný arqyly Teńizde SKG óndirisin ulǵaıtý ORES+ shek­teýleriniń ornyn toltyrýǵa kómektesti. Sonymen qatar qıyndyqtardy múmkindikterge aınaldyrýǵa, sıfrly sheshim­der arqyly qundylyqty qurý tizbegin ońtaılandyrýǵa jáne ózgeristerge jyldam áreket etýge múmkindik berdi.

Sondaı-aq kásiporyn qazaqstandyq qamtýdy damytý jónindegi mamandary TShO qamtýshysy bolý úshin IT kompanııalar qandaı qadamdar jasaý kerektigine toqtaldy. Fo­rýmda kásiporynnyń teh­nı­kalyq (tehnıkalyq mened­jer, NET ázirleý­shileri, DevOps ınjenerleri, QA tes­terleri) jáne tehnıkalyq emes (ózgeristerdi basqarý ma­man­­­dary, bıznes-analıtıkter (Business Analyst, Proxy Product Owners), ári Low Code ázir­leýshileri (PowerApps, PowerBI) rólderin oryndaýǵa qabiletti IT mamandardy qa­byl­daýǵa múddeli ekendigi aıtyldy.

«Qazaqstandyq qamtýdy arttyrý – TShO-nyń basym baǵyttarynyń biri. Biz úshin otandyq kompanııalarymen birge jumys istep, olardyń damýyna kúsh-jiger jumsaý mańyzdy. Bizdiń maqsatymyz – IT mamandarynyń úlesin barynsha arttyrý. Sol sebepti forým qarsańynda «Sıfrly Teńizshevroıl – 2022» atty Hakaton sharasyn ótkizdik. Berilgen máseleniń ońtaıly she­shimin tapqan komandalar TShO-men kelisimshartqa otyrý múmkindigine ıe boldy», dep atap ótti TShO-nyń sıfr­landyrý boıynsha chempıony Marat Qýatov

Aıta ketetin jaıt, Hakatonǵa Qazaqstannyń túkpir-túkpirinen 30-ǵa jýyq komanda qatysty. Qazylar alqa­sy músheleriniń biri, TShO-nyń sıfrlandyrý jónindegi keńesshisi Azıdolla Qısmetovtyń aıtýynsha, sheshim ǵana emes, sonymen qatar kompanııanyń jalpy daıarlyǵy men quzyrettiliginiń deńgeıi baǵalandy.