Dástúr boıynsha aptanyń seısenbisinde ótetin Úkimet otyrysyna jańadan qurylǵan úsh oblystyń ákimderi de qatysyp otyr. Sondaı-aq Oqý-aǵartý jáne Ǵylym jáne joǵary bilim mınıstrleri de bar.
Prezıdent Jarlyǵymen Ǵylym jáne joǵary bilim mınıstri bolyp taǵaıyndalǵan Saıasat Nurbek saltanatty túrde ant berdi.
«Qazaqstan Respýblıkasynyń halqy men Prezıdenti aldynda óz Otanym Qazaqstan Respýblıkasynyń ekonomıkalyq jáne rýhanı damý isine barlyq kúsh-jigerim men bilimimdi jumsaýǵa, memlekettiń Konstıtýsııasy men zańdaryn qatań saqtaýǵa, ózimniń barlyq is-áreketimde zańdylyq pen ádilettilik, azamattyq, ultaralyq jáne konfessııaaralyq tatýlyq prınsıpterin ustanýǵa, Qazaqstan halqyna adal qyzmet etýge, óz elimniń memlekettiligi men dúnıejúzilik qoǵamdastyqtaǵy bedelin nyǵaıta berýge saltanatty túrde ant beremin!», dedi ol.
Premer-Mınıstr Álıhan Smaıylov Úkimetke qosylǵan sheneýnikterdi quttyqtap, qyzmetterine tabys tiledi. Sonymen qatar Úkimet basshysy búgin Oqý aǵartý mınıstri Ashat Aımaǵambetov qyryq jasqa tolyp otyrǵanyn atap ótti.
