Tekserý barysynda kóliktegi jolaýshydan polıetılen paketine oralǵan shóp untaqtary tárkilenip, saraptamaǵa joldandy. Saraptama tárkilengen zattyń keptirilgen marıhýana ekendigin anyqtaǵan. Kúdikti ustalyp, atalǵan derek boıynsha Qazaqstan Respýblıkasy Qylmystyq kodeksiniń 296-baby 2-bóligimen sotqa deıingi tergep-tekserý áreketteri júrgizilýde.
Al 13 maýsymda dál osy Jalaǵash aýdanyndaǵy Aqqyr aýylynan shyǵysqa qaraı shamamen 9 shaqyrymdaǵy «Qyzyl shuqyr» dep atalatyn jer ýchaskesindegi qalyń sheńgel arasynan iri esirtki alqaby anyqtaldy. Qyzylorda oblysynyń turǵyny zańmen tyıym salynǵan sora ósimdigin iri mólsherde egip, kútip baptap ósirgen.
Oqıǵa ornyna jedel tergeý tobymen qarap-tekserý júrgizý barysynda 1149 túp sora óskeni anyqtalyp, úlgi retinde 16 túbi alyndy. Al qalǵany oqıǵa ornynda órteldi.
Odan bólek oqıǵa basynan ustalǵan kúdiktini jeke tintý barysynda odan gazet qıyndysyna oralǵan esirtki zaty alyndy. Kúdikti aýdandyq polısııa bóliminiń ýaqytsha ustaý ızolıatoryna oqshaýlandyryldy.
Atalǵan derek boıynsha Qazaqstan Respýblıkasy Qylmystyq kodeksiniń 300 - baby 2 - bóliginiń 3 - tarmaǵymen sotqa deıingi tergep-tekserý áreketteri bastaldy.
